AmaHubo 72:10 - iBhayibhili Elingcwele 1978

¹⁰ Amakhosi aseTarshishi lawasezihlengeni azaletha izipho, amakhosi aseSheba laseSeba alethe izipho.

IBhayibhili Elingcwele LesiNdebele

¹⁰ Amakhosi eThashishi lawemazweni akude azaletha imithelo kuye; amakhosi aseShebha leSebha azayilethela izipho.

AmaHubo 72:10 Mawu Ofanana

UGenesisi 10:7

Amadodana kaKushi ayengoSeba loHavila loSabitha loRama loSabitheka; amadodana kaRama ayengoSheba loDedani.

1 AmaKhosi 10:1

Inkosikazi yaseSheba isizwile ngodumo lukaSolomoni yeza ukumhlola ngemibuzo enzima.

1 AmaKhosi 10:10

Inkosikazi yaseSheba yasinika inkosi uSolomoni igolide elingamathalenta alikhulu lamatshumi amabili, lamakha amanengi kakhulu, lamatshe amahle. Kakuzanga kulethwe amakha amanengi njengala inkosikazi yaseSheba eyawanika inkosi uSolomoni.

1 AmaKhosi 10:2

Yafika eJerusalema lodwendwe olukhulu, lamakamela ethwele amakha legolide elinengi lamatshe amahle; isifikile kuSolomoni yamtshela konke okwakusemcabangweni wayo.

1 AmaKhosi 10:25

Bonke bamlethela izipho, izinto zesiliva lezegolide, lezambatho, lemure, lamakha, lamabhiza lezimbongolo; kwaba njalo iminyaka ngeminyaka.

2 ImiLando 9:21

Inkosi yayilemikolo emikhulu yokuthwala impahla olwandle eyayisiya eTarshishi lezinceku zikaHuramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

U-Esta 10:1

Inkosi uAhasuweru yathelisa ilizwe kanye lamazwe angasolwandle.

AmaHubo 45:12

Abantu baseTire bazakuncenga umusa wakho ngeziphiwo, labanothileyo ebantwini bawuncenge ngenhlobo zonke zenotho.

AmaHubo 68:29

usethempelini lakho eliseJerusalema lapho amakhosi akulethela khona izipho.

AmaHubo 68:30

Sikhuze isilo esihlala emihlangeni, ukhuze umhlambi wezinkunzi kanye lamankonyane azo, ngitsho izizwe, zithobeke zikulethele isiliva; ubachithe abantu abathanda ukulwa.

U-Isaya 42:10

Hlabelelani iNkosi ingoma entsha, liyidumise emhlabeni wonke. Luhlokome ulwandle lakho konke okukilo, lamazwe angasolwandle, labo abakhe kiwo.

U-Isaya 42:4

Kayikudinwa aphele amandla, aze amise ukulunga emhlabeni; lamazwe angasolwandle azakulindela umlayo wakhe.

U-Isaya 43:3

Ngoba mina ngiyiNkosi uNkulunkulu wakho, oNgcwele kaIsrayeli, uMsilisi wakho. Ngizanika iGibithe libe lihlawulo lakho, loEtiyopiya leSeba esikhundleni sakho.

U-Isaya 43:6

ngitsho lakuyo inyakatho ngithi: Bakhulule; lakuyo iningizimu ngithi: Ungabaleli; buyisani amadodana ami akhatshana, lamadodakazi ami ezindaweni zonke,

U-Isaya 49:7

INkosi, uMhlengi kaIsrayeli loNgcwele wakhe, ithi kodelelweyo oyisinengiso ezizweni loyinceku yezikhulu: Amakhosi ezakukubona, asukume; lezikhulu zikhothame phambi kwakho, ngenxa yeNkosi ethembekileyo, oNgcwele kaIsrayeli, ekukhethileyo.

U-Isaya 60:3

Izizwe zizakuza ekukhanyeni kwakho, lamakhosi eze ekuveleni kokukhanya kwakho.

U-Isaya 60:6

Indwendwe zamakamela zizakuza kuwe, lamakamela aseMidiyani laseEfa, lawo wonke awaseSheba azakuza; azaletha igolide lenhlaka, amemezele indumiso yeNkosi.

U-Isaya 60:9

Yimikolo ebuthana ivela emazweni angasolwandle, ikhokhelwa yimikolo emikhulu, ukuletha amadodana akho evela khatshana kanye lesiliva legolide lawo, ngenxa yebizo leNkosi uNkulunkulu wakho, langenxa yoNgcwele kaIsrayeli, ngoba ikunikile udumo.

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.