AmaHubo 51:1 - iBhayibhili Elingcwele 1978

¹ Ngihawukela, Nkulunkulu, ngothando lwakho olungapheliyo, yesula iziphambeko zami ngobubele bakho obukhulu.

IBhayibhili Elingcwele LesiNdebele

¹ Ake ungihawukele, awu Nkulunkulu, ngenxa yothando lwakho olungaphuthiyo; ngenxa yesihawu sakho esikhulu yesula iziphambeko zami.

AmaHubo 51:1 Mawu Ofanana

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

UNehemiya 4:5

Ungaligubuzeli icala labo, lesono sabo ungasicimi emehlweni abo, ngoba basithukuthelisile thina esingabakhi.

AmaHubo 106:45

Yakhumbula isivumelwano sayo ngenxa yabo, yaphenduka ngenxa yobukhulu bothando lwayo olungapheliyo.

AmaHubo 106:7

Okhokho, lapho babeseGibithe, kabayinanzelelanga imisebenzi yakho emangalisayo; izenzo ezinengi zothando lwakho olungapheliyo; kodwa bamvukela oPhezukonke ngasoLwandle oluBomvu.

AmaHubo 109:21

Kodwa wena, Nkulunkulu, Nkosi yami, ngenzela mina ngokwebizo lakho; ngoba uthando lwakho olungapheliyo luhle, akungikhulule.

AmaHubo 119:124

Yenza encekwini yakho ngokothando lwakho olungapheliyo, ungifundise izimiso zakho.

AmaHubo 145:9

INkosi ilungile kubo bonke, lesihawu sayo siphezu kwakho konke ekwenzayo.

AmaHubo 4:1

Ngiphendula ekukhaleni kwami, Nkulunkulu wokulunga kwami. Wangikhulula enkathazweni. Woba lomusa kimi, uzwe umkhuleko wami.

AmaHubo 40:11

Wena Nkosi, ungangigodleli isihawu sakho; uthando lwakho olungapheliyo lobuqotho bakho kakungilondoloze njalonjalo.

AmaHubo 5:7

Kodwa mina ngizakungena endlini yakho ngobukhulu besihawu sakho, ngikhothame ngokuhlonipha, ngikhangele ethempelini lakho elingcwele.

AmaHubo 51:9

Fihla ubuso bakho ezonweni zami, wesule zonke izenzo zami ezimbi.

AmaHubo 69:13

Kodwa mina ngikhuleka kuwe, Nkosi. Ngesibanga esifaneleyo, Nkulunkulu, ngobunengi bothando lwakho olungapheliyo ngiphendula, ngeqiniso lokusiza kwakho.

AmaHubo 69:16

Ngiphendula, Nkosi, ngoba uthando lwakho olungapheliyo lulungile; ngobunengi besihawu sakho uphendukele kimi.

AmaHubo 77:9

UNkulunkulu usekhohliwe ukuba lomusa na? Usevalele isihawu sakhe ngolaka na?

U-Isaya 43:25

Mina nginguye owesula iziphambeko zakho ngenxa yami; kangisayikuzikhumbula lezono zakho.

U-Isaya 44:22

Ngesule iziphambeko zakho njengeyezi, lezono zakho njengenkungu; buyela kimi, ngoba ngikuhlengile.

U-Isaya 63:15

Khangela phansi usezulwini ubone, usendaweni yakho engcwele yobukhosi. Kungaphi ukutshiseka kwakho lamandla akho? Ukuvutha kwenhliziyo yakho lesihawu sakho kugodliwe.

U-Isaya 63:7

Ngizalandisa ngothando olungapheliyo lweNkosi, ngiyidumise, ngakho konke iNkosi esenzele khona, lobuhle obukhulu ebenzele indlu kaIsrayeli, esenzele bona ngomusa wayo, langobukhulu bothando lwayo olungapheliyo.

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

Izililo 3:32

Lanxa isehlisa ubuhlungu, izakuba lesihawu ngobukhulu bothando lwayo olungapheliyo.

UDanyeli 9:18

Nkulunkulu wami, beka indlebe yakho uzwe; vula amehlo akho ubone ukuchitheka kwethu, lokomuzi obizwa ngebizo lakho; ngoba kasikhuleki kuwe ngenxa yokulunga kwethu, kodwa ngenxa yesihawu sakho esikhulu.

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,

AbaseKholose 2:14

uyicimile incwadi yemilandu emelana lathi ngemilayo yayo; wayisusa ngokuyibethela esiphambanweni;