AmaHubo 5:7 - iBhayibhili Elingcwele 1978

⁷ Kodwa mina ngizakungena endlini yakho ngobukhulu besihawu sakho, ngikhothame ngokuhlonipha, ngikhangele ethempelini lakho elingcwele.

IBhayibhili Elingcwele LesiNdebele

⁷ Kodwa mina, ngomusa wakho omkhulu, ngizangena endlini yakho; ngizakhothamela phansi ngokuhlonipha ngikhangele ethempelini lakho elingcwele.

AmaHubo 5:7 Mawu Ofanana

1 AmaKhosi 8:35

Lapho iphezulu livaliwe, kungelazulu ngoba bonile kuwe, uba bekhuleka bekhangele kulindawo belivuma ibizo lakho, baphenduke esonweni sabo nxa ubatshaya,

1 AmaKhosi 8:38

nxa bonke abantu bakho uIsrayeli, loba oyedwa wabo ekhuleka, ecela, evuswa yinhlupheko losizi, ephakamisela izandla zakhe kulindlu,

AmaHubo 101:7

Okhohlisayo kayikuhlala endlini yami, lokhuluma amanga kayikuma phambi kwami.

AmaHubo 130:4

Kodwa uyathethelela wena, ukuze wesatshwe.

AmaHubo 132:7

Asiyeni endlini yeNkosi, sikhonze phambi kwayo.

AmaHubo 138:2

Ngizakukhuleka ngikhangele ethempelini lakho elingcwele, ngibonge ibizo lakho ngenxa yothando lwakho olungapheliyo lobuqotho bakho; ngoba uphakamisile phezu kwakho konke ibizo lakho lelizwi lakho.

AmaHubo 28:2

Zwana ilizwi lokunxusa kwami lapho ngikhala kuwe, lapho ngiphakamisela izandla zami ngasendaweni yakho engcwele.

AmaHubo 34:17

Lapho abalungileyo bekhala, iNkosi iyabezwa, ibakhulule kuzo zonke izinhlupheko zabo.

AmaHubo 51:1

Ngihawukela, Nkulunkulu, ngothando lwakho olungapheliyo, yesula iziphambeko zami ngobubele bakho obukhulu.

AmaHubo 52:8

Kodwa mina nginjengesihlahla esiluhlaza esithiwa ioliva esisendlini kaNkulunkulu. Ngiyathemba othandweni olungapheliyo lukaNkulunkulu kuze kube nininini.

AmaHubo 55:16

Mina ngikhuleka kuNkulunkulu, iNkosi izakungisiza.

AmaHubo 69:13

Kodwa mina ngikhuleka kuwe, Nkosi. Ngesibanga esifaneleyo, Nkulunkulu, ngobunengi bothando lwakho olungapheliyo ngiphendula, ngeqiniso lokusiza kwakho.

AmaHubo 69:16

Ngiphendula, Nkosi, ngoba uthando lwakho olungapheliyo lulungile; ngobunengi besihawu sakho uphendukele kimi.

Izaga 6:16

Kukhona izinto ezithile ezizondwa yiNkosi, yebo, izinto eziyisikhombisa eziyizinengiso kuyo;

Izaga 6:17

ukukhangela ngokuzigqaja, lolimi oluqamba amanga, lezandla ezichitha igazi lomuntu ongelacala,

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

U-Isaya 64:11

Indlu yethu engcwele lemangalisayo, lapho obaba babekudumisela khona, itshisiwe ngomlilo, lazo zonke indawo zethu ezithandekayo sezingamanxiwa.

UDanyeli 6:10

Lapho uDaniyeli asesazi ukuthi inkosi isigwalile encwadini, wangena endlini yakhe; amawindi endlu yakhe ephezulu ayekhangele iJerusalema. Waguqa kathathu ngosuku ekhuleka edumisa uNkulunkulu wakhe njengokwenza kwakhe insuku zonke.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

Imisebenzi 9:31

Ngakho ibandla laba lokuthula kulo lonke elaseJudiya, lelaseGalili, lelaseSamariya, lakheka, lihamba ngokwesaba kweNkosi, landa ngokuqiniswa nguMoya oNgcwele.

AmaHebheru 4:16

Ngakhoke asisondele ngesibindi esihlalweni somusa ukuba samukeliswe isihawu, sizuze umusa wokusisiza ngesikhathi esifaneleyo.

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.