AmaHubo 5:4 - iBhayibhili Elingcwele 1978

⁴ Ngoba wena kawusuye uNkulunkulu othanda okubi; omubi kayikuhlala lawe.

IBhayibhili Elingcwele LesiNdebele

⁴ Kawusuye uNkulunkulu othokoza ngobubi; ababi ngeke bahlale lawe.

AmaHubo 5:4 Mawu Ofanana

1 ImiLando 29:17

Ngiyazi, Nkulunkulu wami, ukuba wena uhlola inhliziyo, uyabuthanda ubuqotho. Ngenhliziyo yami eqotho nginikele ngesihle zonke lezizinto; sengithokoza ngibona lababantu bakho abakhona lapha benikela kuwe ngesihle.

AmaHubo 101:7

Okhohlisayo kayikuhlala endlini yami, lokhuluma amanga kayikuma phambi kwami.

AmaHubo 11:5

INkosi iyabahlola abalungileyo lababi, umphefumulo wayo uyazonda othanda okubi.

AmaHubo 140:13

Impela abalungileyo bazalidumisa ibizo lakho; labaqotho bazakuhlala phambi kwakho.

AmaHubo 50:21

Lokhu ukwenzile, ngathula; wacabanga ukuthi nginjengawe. Kodwa khathesi ngiyakukhuza, ngikutshengise amacala akho.

AmaHubo 63:2

Ngithanda ukukukhangela endaweni engcwele, ngibone amandla akho lobukhosi bakho.

AmaHubo 88:14

Nkosi, ungilahleleni, ubufihleleni ubuso bakho kimi na?

AmaHubo 92:15

ukuze batshengise ukuthi iNkosi iqondile; yona ilidwala lami, kakukho ukungalungi kiyo.

AmaHubo 94:20

Kambe abahluleli ababi abamisa ububi ngomthetho, bangaphathisana kanye lawe na?

UHabhakhukhi 1:13

Wena omehlo akho ahlambulukile kakhulu ukuba abone okubi, ongelakukukhangela okungalunganga, ubakhangelelani abakhohlisayo na? Uthulelani lapho ababi beqeda abalungileyo kulabo na?

UMalaki 2:17

Liyidinisile iNkosi ngamazwi enu. Kanti lithi: Siyidinise kanjani na? Liyidinise ngokuthi: Bonke abenza okubi balungile eNkosini, bayayithokozisa; loba lithi: Ungaphi uNkulunkulu wokwahlulela na?

UJohane 14:23

UJesu wamphendula wathi: Uba umuntu engithanda, uzakulondoloza ilizwi lami; uBaba uzakumthanda yena; sizakuza kuye, sihlale laye.

AmaHebheru 12:14

Nxwanelani ukuhlala ngokuthula labantu bonke, linxwanele lobungcwele; ongelabo bona angeyibone iNkosi.

2 UPhethro 3:13

Kodwa ngokwesithembiso sakhe silindele izulu elitsha lomhlaba omutsha okukhona kuwo ukulunga.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.

Isambulo 21:27

Kodwa kakusoze kwangena ulutho olungcolileyo kuwo kanye loyedwa owenza amanyala lenkohliso, kuphela abalotshiweyo encwadini yokuphila yeWundlu.