AmaHubo 42:2 - iBhayibhili Elingcwele 1978

² Umphefumulo wami womela uNkulunkulu, uNkulunkulu ophilayo. Ngizakufika nini ngibone ubuso bukaNkulunkulu na?

IBhayibhili Elingcwele LesiNdebele

² Umphefumulo wami womela uNkulunkulu, uNkulunkulu ophilayo. Ngizahamba nini ngiyohlangana loNkulunkulu?

AmaHubo 42:2 Mawu Ofanana

UJobe 23:3

Kungathi ngabe ngiyazi lapho ngingamfumana khona, ukuba ngiye enkundleni yakhe,

AmaHubo 27:4

Into yinye engiyicela eNkosini engizakuyifunisisa, yikuba ngihlale endlini yeNkosi insuku zonke zokuphila kwami, ukuba ngibone ubuhle beNkosi, ngibuke ithempeli layo.

AmaHubo 43:4

Ng’khona ngizakuya ealtareni likaNkulunkulu, kuNkulunkulu wenjabulo yami enkulu; ngizakukudumisa ngechacho, Nkulunkulu, Nkulunkulu wami.

AmaHubo 63:1

Nkulunkulu, wena unguNkulunkulu wami, ngiyakukudinga, umphefumulo wami womela wena, lomzimba wami uyakomela njengelizwe elomileyo lapho kungelamanzi khona.

AmaHubo 63:3

Uthando lwakho olungapheliyo lungcono kulokuphila; umlomo wami uzakukudumisa.

AmaHubo 84:10

Ngoba usuku olulodwa emagumeni akho luhle ukwedlula eziyinkulungwane ezikwenye indawo. Kungcono ukuba ngihlale emnyango wendlu kaNkulunkulu wami kulokuba ngihlale emathenteni ababi.

AmaHubo 84:2

Umphefumulo wami uyalangatha, yebo, uyomela amaguma ethempeli leNkosi. Inhliziyo yami lomzimba wami kuyahlabelela ngokuthaba kuNkulunkulu ophilayo.

AmaHubo 84:4

Babusisiwe abahlala endlini yakho, bazakuhlala bedumisa wena.

AmaHubo 84:7

Bayakhula emandleni, baze babonakale phambi kukaNkulunkulu eZiyone.

U-Eksodasi 23:17

Kathathu ngomnyaka bonke abesilisa bazakuza phambi kweNkosi uNkulunkulu.

U-Isaya 26:8

Nkosi, sihambe endleleni yemilayo yakho, sakuthemba; imiphefumulo yethu ilangatha ibizo lakho lezikhumbuzo zakho.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UDanyeli 6:26

Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

UJohane 5:26

Njengoba uYise elokuphila ngokwakhe, kunjaloke uyinikile iNdodana ukuba ibe lokuphila ngokwayo.

UJohane 7:37

Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

UJoshuwa 3:10

Wathi: Lizakwazi ngalokhu ukuthi uNkulunkulu ophilayo uphakathi kwenu, lokuthi uzawaxotsha ngempela amaKanani lamaHethi lamaPerizi lamaGirigashi lamaAmori lamaJebusi ngaphambi kwenu.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,