AmaHubo 39:12 - iBhayibhili Elingcwele 1978

¹² Zwana ukukhuleka kwami, Nkosi, ulalele ukucela kwami; ungathuli ngezinyembezi zami, ngoba ngiyisethekeli sakho lesihambi njengabo bonke okhokho.

IBhayibhili Elingcwele LesiNdebele

¹² Zwana umkhuleko wami, Oh Thixo, lalela isikhalazo sami ngicela uncedo; ungabi ligcikandlebe nxa ngikhala. Phela ngihlala lawe nginjengesihambi, ngiyisethekeli njengoba okhokho bonke babenjalo.

AmaHubo 39:12 Mawu Ofanana

UGenesisi 21:34

UAbrahama wahlala elizweni lamaFilistiya insuku ezinengi.

UGenesisi 47:9

UJakobe wathi kuFaro: Iminyaka yobudala bami ilikhulu lamatshumi amathathu; ibe imibi iminyaka yokuphila kwami, milutshwana kuleminyaka yokuhamba kwabobaba.

2 USamuyeli 16:12

Mhlawumbe izabona usizi lwami, ingilethele okuhle ngalokhu ukuthukwa kwalamuhla.

2 AmaKhosi 20:5

Buyela umtshele uHezekiya umbusi wabantu bami ukuthi iNkosi, uNkulunkulu kaDavida ukhokho wakho, ithi: Ngiwuzwile umkhuleko wakho, ngabona lenyembezi zakho; ngizakukusilisa; ngosuku lwesithathu uzakuya ethempelini.

1 ImiLando 29:15

Singabemzini phambi kwakho lezihambi njengabo bonke okhokho bethu; insuku zethu emhlabeni zinjengesithunzi, kasihlali kokuphela.

UJobe 13:28

Kanti nginjengento ebolayo, lanjengengubo edliwe zinondo.

UJobe 16:20

Abangane bami bayangiklolodela, lamehlo ami aphophoza inyembezi kuNkulunkulu.

AmaHubo 102:1

Nkosi, zwana umkhuleko wami, ukukhala kwami kakufinyelele kuwe.

AmaHubo 116:3

Imijibila yokufa yangihanqa, lobuhlungu bendawo yabafileyo bangibamba; ngehlelwa yikuhlupheka losizi.

AmaHubo 119:19

Ngiyisihambi emhlabeni; ungangifihleli imithetho yakho.

AmaHubo 119:54

Izimiso zakho zaba zingoma zami endlini engithe cosololo kuyo.

AmaHubo 56:8

Ukuhlupheka kwami ukubalile; thana izinyembezi zami embizeni yakho; kazikho encwadini yakho na?

AmaHubo 90:9

Ngoba insuku zethu zonke ziyaqedwa lulaka lwakho, leminyaka yethu iphele masinyane njengesilokozane.

ULevi 25:23

Kakuvunyelwa ukuba ilizwe lithengiswe kuze kube nininini, ngoba ngelami; lina lingabemzini nje labezizweni kimi.

2 AbaseKhorinte 5:6

Ngakho simi isibindi ngesikhathi sonke, sisazi ukuthi nxa sisekhona emzimbeni sikhatshana leNkosi;

AmaHebheru 11:13

Bonke laba bafela ekukholweni, bengamukeliswanga okwathenjiswayo, kodwa bakubonela khatshana, bakuthakazelela, bavuma ukuthi bangabezizwe lezihambi emhlabeni.

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

1 UPhethro 2:11

Bathandekayo, ngiyalincenga lokhu liyizihambi labemzini ukuba lizigcine ezinkanukweni zomzimba ezilwa lomphefumulo wenu;