AmaHubo 26:3 - iBhayibhili Elingcwele 1978

³ Ngoba uthando lwakho olungapheliyo luphambi kwamehlo ami, ngihamba ngokuthembeka kuwe.

IBhayibhili Elingcwele LesiNdebele

³ ngoba uthando Lwakho luhlezi luphambi kwami, njalo kokuphela ngihamba eqinisweni Lakho.

AmaHubo 26:3 Mawu Ofanana

2 AmaKhosi 20:3

Nkosi, ake ukhumbule, ngiyakuncenga, ukuba ngihambe ngobuqotho phambi kwakho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

AmaHubo 101:2

Ngizakulandela indlela elungileyo. Uzakuza nini kimi na? Ngizakuhamba ngobuqotho benhliziyo endlini yami.

AmaHubo 119:142

Ukulunga kwakho kuyikulunga okumiyo njalonjalo, lomlayo wakho uliqiniso.

AmaHubo 25:5

Ngiholela eqinisweni lakho, ungifundise, ngoba wena unguNkulunkulu lomsilisi wami; ngilindele wena usuku lonke.

AmaHubo 52:1

Uzincomelani ngokubi okwenziwa phezu kolungileyo, wena qhawe na?

AmaHubo 86:11

Nkosi, ngifundisa indlela yakho, ukuze ngihambe eqinisweni lakho; yenza inhliziyo yami iqonde ntonye, yesabe ibizo lakho.

U-Isaya 2:5

Wena ndlu kaJakobe, wozani sihambe ekukhanyeni kweNkosi.

U-Isaya 8:20

Yebo, abantu bazakutsho njalo; kodwa amazwi abo ayize.

ULukha 6:36

Wobani lesihawu, njengoYihlo ulesihawu.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

2 AbaseKhorinte 3:18

Thina sonke esilobuso obambuliweyo, sibona inkazimulo yeNkosi ngokungathi kusesibukweni. Siyaphendulwa sifane layo; siyakhula enkazimulweni, ngoba le ivela eNkosini enguye uMoya.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

Abase-Efesu 4:32

Libe mnene omunye komunye, lihawukelane, lithethelelane, njengalokhu uNkulunkulu wasithethelela ngoKristu.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

2 UJohane 1:4

Ngathokoza kakhulu ngoba ebantwaneni bakho ngifumene abathile abahamba eqinisweni, njengokulaywa kwethu nguBaba.

3 UJohane 1:11

Sithandwa, ungakulingiseli okubi, kodwa lingisela okuhle. Owenza okuhle ungokaNkulunkulu; owenza okubi kambonanga uNkulunkulu.