AmaHubo 24:2 - iBhayibhili Elingcwele 1978

² Ngoba yona yawusekela phezu kwezinlwandle, yawumisa phezu kwamanzi.

IBhayibhili Elingcwele LesiNdebele

² ngoba wenza isisekelo sawo phezu kolwandle wawumisa phezu kwamanzi.

AmaHubo 24:2 Mawu Ofanana

UGenesisi 8:22

Lapho umhlaba usekhona kakuyikuphela ukuhlanyela lokuvuna, amakhaza lokufudumala, ihlobo lobusika, imini lobusuku.

UJobe 38:4

Wawungaphi lapho ngimisa izisekelo zomhlaba na? Ngitshela uba ulokuqedisisa.

AmaHubo 136:6

eyenza umhlaba phezu kwamanzi, ngoba uthando lwayo olungapheliyo lumi kuze kube nininini;

AmaHubo 33:6

Ngelizwi leNkosi enziwa amazulu, lakho konke okukuwo ngomoya womlomo wayo.

AmaHubo 89:12

Inyakatho leningizimu wakudala wena, iTabori leHermoni kuyadumisa ibizo lakho ngentokozo.

AmaHubo 93:1

INkosi iyabusa; yambethe ubukhosi; iNkosi izambese ngamandla. Yebo, umhlaba umi uqinile, kawuyikunyikinywa.

AmaHubo 95:4

Ngoba indawo zomhlaba ezizikileyo zisesandleni sayo, lezingqonga zezintaba zingezayo lazo.

AmaHubo 96:10

Tshonini phakathi kwezizwe ukuthi: INkosi iyabusa. Umhlaba umisiwe, kawuyikunyikinyeka; izakubahlulela abantu ngokulunga.

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.