AmaHubo 24:1 - iBhayibhili Elingcwele 1978

¹ Umhlaba ungoweNkosi kanye lakho konke okukuwo, ilizwe kanye labakhileyo kulo.

IBhayibhili Elingcwele LesiNdebele

¹ Umhlaba ngokaThixo, lakho konke okukuwo, ilizwe labo bonke abahlala kulo;

AmaHubo 24:1 Mawu Ofanana

1 ImiLando 29:11

Bungobakho, wena Nkosi, ubukhulu lamandla lodumo lokunqoba lobukhosi; ngoba konke okusezulwini lokusemhlabeni kungokwakho; umbuso ungowakho, Nkosi; wena uphakeme, uyinhloko phezu kwakho konke.

1 ImiLando 29:16

Nkosi Nkulunkulu wethu, konke lokhu okunengi esikulungisele ukwakhela ibizo lakho elingcwele indlu kuvela kuwe, kungokwakho.

2 ImiLando 25:9

UAmaziya wasesithi emuntwini kaNkulunkulu: Phoke, sizakwenza njani ngamathalenta alikhulu esengiwanike impi yakoIsrayeli na? Yena waphendula wathi: INkosi uNkulunkulu ilamandla okukunika okwedlula lokho.

UJobe 34:13

Ngubani owabeka uNkulunkulu ukulondoloza umhlaba na? Angithi nguye yedwa owamisa umhlaba wonke na?

UJobe 41:11

Ngubani ongayihlasela angalimali na? Kakho loyedwa emhlabeni.

UJobe 41:3

Izakukuncenga kakhulu na? Izakhuluma lawe amazwi athambileyo na?

AmaHubo 50:10

Ngoba ngezami zonke inyamazana zehlathi lenkomo ezisentabeni eziyizinkulungwane.

AmaHubo 50:12

Uba bengilambile, bengingayikutshela wena, ngoba umhlaba lakho konke okukuwo ngokwami.

AmaHubo 89:11

Amazulu ngawakho, lomhlaba ngowakho, ilizwe lakho konke okukulo, konke wakwenza.

AmaHubo 89:12

Inyakatho leningizimu wakudala wena, iTabori leHermoni kuyadumisa ibizo lakho ngentokozo.

AmaHubo 98:7

Kaluholobe ulwandle lakho konke okukulo, umhlaba labo bonke abakhileyo kuwo.

U-Eksodasi 19:5

Ngakhoke uba lililalela ilizwi lami, ligcine isivumelwano sami, lizakuba ligugu kimi phakathi kwezizwe zonke; ngoba wonke umhlaba ungowami;

U-Eksodasi 9:29

UMose wathi kuye: Nxa sengiphumile phakathi komuzi, ngizaphakamisela izandla zami eNkosini; kuzakuphela ukuduma lesiqhotho, ukuba wazi ukuthi umhlaba ungoweNkosi.

UDanyeli 4:25

sokuthi uzaxotshwa ebantwini, uhlale lenyamazana zeganga. Uzakudla utshani njengenkomo, uthanjiswe ngamazolo aphezulu okweminyaka eyisikhombisa, uze wazi ukuthi oPhezukonke uyabusa umbuso wabantu, awunike lowo athanda ukumnika.

UMikha 4:13

Sukuma, ubhule, Ziyone, ngoba ngizakwenza impondo zakho zibe yinsimbi, lamangqina akho abe lithusi. Uza hoboza abantu abanengi, wahlukanisele iNkosi inzuzo yabo lemfuyo yabo iNkosi yomhlaba wonke.

UNahume 1:5

Intaba ziyanyikinyeka phambi kwayo, lamaqaqa ayancibilika; ilizwe liyachitheka phambi kwayo, umhlaba labo bonke abakhileyo kuwo.

1 AbaseKhorinte 10:26

ngoba umhlaba ungoweNkosi, lakho konke okukuwo.

UDutheronomi 10:14

Iphezulu, lezulu eliphezulu kakhulu ngeleNkosi uNkulunkulu wakho, lomhlaba lakho konke okukuwo.