AmaHubo 18:2 - iBhayibhili Elingcwele 1978

² INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

IBhayibhili Elingcwele LesiNdebele

² UThixo ulidwala lami, inqaba yami, lomsindisi wami; uNkulunkulu wami ulidwala lami, lapho engiphephela khona, isihlangu sami lophondo lokusindiswa kwami, inqaba yami.

AmaHubo 18:2 Mawu Ofanana

2 USamuyeli 22:3

uNkulunkulu wami ulidwala lami engiphephela kulo, lesihlangu sami, lesivikelo sami, inqaba yami lesiphephelo sami; umkhululi wami ongikhulula kokubi.

AmaHubo 116:1

Ngiyayithanda iNkosi, ngoba iyezwa ilizwi lami lokukhuleka kwami.

AmaHubo 132:17

Lapho ngizakuvusa usendo lukaDavida; ngilungisele ogcotshiweyo wami isibane.

AmaHubo 144:2

idwala lami lenqaba yami, umphotshongo wami ophakemeyo lomkhululi wami, isihlangu sami, lengiphephela kuyo, ebeka izizwe ngaphansi kwami.

AmaHubo 19:14

Amazwi omlomo wami lemicabango yenhliziyo yami kakwamukeleke kuwe, Nkosi, dwala lami lomhlengi wami.

AmaHubo 28:1

Ngiyakhala kuwe, Nkosi; dwala lami, ungangivaleli indlebe, funa kuthi uba uthula, ngibe njengalabo abafileyo.

AmaHubo 59:11

Ungazibulali, funa abantu bakithi bakhohlwe; uzichithachithe ngamandla akho, uzahlule, wena Nkosi, sihlangu sethu.

AmaHubo 62:2

Nguye kuphela olidwala lami, lomkhululi wami, lenqaba yami; kangiyikunyikinywa.

AmaHubo 62:7

Ukukhululwa kwami lodumo lwami kukuNkulunkulu; idwala lami eliqinileyo lesiphephelo sami kunguNkulunkulu.

AmaHubo 75:10

Zonke impondo zababi uzaziquma, kodwa impondo zabalungileyo zizaphakanyiswa.

AmaHubo 91:2

uzakuthi eNkosini: Uyisiphephelo sami lenqaba yami, uNkulunkulu wami engithemba kuye.

AmaHubo 91:4

Uzakukusibekela ngensiba zakhe, uphephele ngaphansi kwamaphiko akhe; ubuqotho bakhe buyisihlangu lehawu.

U-Eksodasi 15:2

INkosi ingamandla ami lehubo lami, iyikusiliswa kwami. InguNkulunkulu wami, ngizakuyidumisa, loNkulunkulu kababa, ngizakuyiphakamisa.

Izaga 18:10

Ibizo leNkosi liyinqaba eqinileyo; olungileyo ubalekela kuyo alondolozeke.

Izaga 2:7

Iyagcinela abaqotho amandla, iyisihlangu kubo abahamba ngeqiniso;

U-Isaya 32:2

Yileso laleso sibe yindawo yokucatshela umoya lesivikelo sesiphepha, sibe njengemifula yamanzi endaweni eyomileyo, lanjengomthunzi wedwala elikhulu elizweni elilugwadule.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

AmaHebheru 2:13

Futhi uthi: Ngizakubeka ithemba lami kuye. Abuye athi: Khangela mina labantwana uNkulunkulu anginike bona.