AmaHubo 16:4 - iBhayibhili Elingcwele 1978

⁴ Labo abakhetha omunye unkulunkulu bazandisela izinhlupheko; kangiyikunikela iminikelo yabo yegazi; lamabizo abonkulunkulu babo kangiyikuwaphatha emlonyeni wami.

IBhayibhili Elingcwele LesiNdebele

⁴ Labo abagijimela abanye onkulunkulu inhlupho zabo zizakwanda. Angiyi kuyithulula iminikelo yegazi kubonkulunkulu labo njalo amabizo abo kawayikuphuma kwezami izindebe.

AmaHubo 16:4 Mawu Ofanana

UGenesisi 35:14

UJakobe wasemisa insika yokukhonzela lapho abekhuluma laye khona, insika yelitshe. Wathela phezu kwayo umnikelo wokuthululwa, wathela lamagcobo phezu kwayo.

AmaHubo 32:10

Zinengi izinhlupheko zomubi, kodwa uthando olungapheliyo luyamkhusela lowo othemba eNkosini.

AmaHubo 97:7

Bayayangeka bonke abakhonza izithombe, abazikhukhumeza ngezithombe eziyize; onkulunkulu bonke bayakhothama phambi kwayo.

U-Eksodasi 23:13

Qaphelani konke lokhu esengikutshilo kini, lingawaphathi amabizo abanye onkulunkulu, angezwakali emilonyeni yenu.

U-Isaya 57:6

Wena omubi, onkulunkulu bakho bangamatshe abutshelezi asesihotsheni; kiwo uthululele umnikelo wokuthululwa, waletha lomnikelo wempuphu. Ngizathokoziswa yilokhu na?

U-Isaya 65:11

Kodwa lina elitshiya iNkosi, likhohlwe intaba yami engcwele, liphakulele unkulunkulu uNhlanhla ukudla, limgcwalisele inkezo ngewayini elixutshiweyo unkulunkulu uSimiselo,

U-Isaya 66:3

Ohlaba inkabi unjengobulala umuntu; onikela umhlatshelo ngewundlu unjengowephula intamo yenja; onikela umnikelo wempuphu unjengonikela umnikelo ngegazi lengulube; otshisa impepha kube ngumnikelo wesikhumbuzo unjengodumisa isithombe. Konke lokhu kuyizenzo abantu abazikhethela zona, labo abazithokozisa ngezinengiso zabo.

UJeremiya 7:18

Abantwana batheza inkuni, oyise baphembe umlilo, abesifazana baxove inhlama, ukuba benzele iNkosikazi yaphezulu amaqebelengwana, bathululele abanye onkulunkulu iminikelo yokuthululwa, ukuba bangicunule.

ULevi 23:13

Umnikelo wempuphu ozanikelwa lalowo uzakuba yingxenye yehefa lempuphu ecolekileyo ixubene lamafutha, ube ngumnikelo owenzelwe iNkosi ngomlilo olephunga elimnandi; lomnikelo wokuthululwa ozanikelwa lawo uzakuba ngokwesine kwehini lewayini.

UJona 2:8

Labo abakhonza izithombe eziyize balahla ukuthembeka kwabo kuwe.

UJoshuwa 23:7

ukuze lingahlangani lezizwe eziseleyo phakathi kwenu, lingabaphathi ngamabizo onkulunkulu bazo, lingafungi ngabo, lingabakhonzi, lingakhothami phambi kwabo,