AmaHubo 141:4 - iBhayibhili Elingcwele 1978

⁴ Ungaphenduleli inhliziyo yami entweni embi, ukuba ngenze izenzo ezimbi kanye leqembu labantu abenza okubi, ngingadli okumnandi kwabo.

IBhayibhili Elingcwele LesiNdebele

⁴ Ungayekeli inhliziyo yami ihugwe ngokubi, ngingene ezenzweni ezimbi labantu abayizigangi; mangingadli izibiliboco zabo.

AmaHubo 141:4 Mawu Ofanana

UGenesisi 27:14

Wasehamba, wawathatha, wawaletha kunina; unina walungisa inyama emnandi njengalokho akuthandayo uyise.

1 AmaKhosi 13:8

Kodwa yena wathi kuye: Loba unganginika lengxenye yendlu yakho, kangiyikuhamba lawe; kangiyikudla ukudla, nginathe amanzi kulindawo;

1 AmaKhosi 22:22

INkosi yathi kuye: Kanjani na? Yena wathi: Ngizahamba ngibe ngumoya wokuqamba amanga emilonyeni yabo bonke abaprofethi bakhe. INkosi yathi: Impela uzamkhohlisa; hambake wenze njalo.

1 AmaKhosi 8:58

ukuze idonsele inhliziyo zethu kuyo, ukuba sihambe ngazo zonke indlela zayo, sigcine imilayo yayo lezimiso zayo lemithetho yayo eyayinika okhokho bethu.

AmaHubo 119:36

Qondisa inhliziyo yami emilayweni yakho, kungabi semhawini.

AmaHubo 28:3

Ungangikhukhuli kanye lababi lalabo abenza okubi, abakhuluma kuhle labomakhelwana babo, kanti kukhona okubi enhliziyweni zabo.

U-Isaya 63:17

Nkosi, usiyekelelani siduhe ezindleleni zakho, lokuba senze inhliziyo zethu zibe lukhuni, ukuba singakwesabi na? Buyake ngenxa yezinceku zakho, lesizwe sakho.

AmaNani 25:2

Wona amema abantu ukuya emihlatshelweni yabonkulunkulu bawo, labantu badla, bakhothamela onkulunkulu bawo.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

1 AbaseKhorinte 10:31

Ngitsho ukuthi loba lisidla, loba linatha, loba lisenzani, konke kwenzeleni udumo lukaNkulunkulu.

1 AbaseKhorinte 15:33

Lingakhohliswa; ukujwayelana lababi kuyonakalisa ukuziphatha okuhle.

2 AbaseKhorinte 6:17

Ngakhoke phumani phakathi kwabo, lahlukane labo, kutsho iNkosi; lingathinti okungcolileyo; ng’khonake ngizakulamukela.

UDutheronomi 2:30

Kodwa uSihoni inkosi yaseHeshiboni kayisivumelanga ukuba sidlule; ngoba iNkosi uNkulunkulu wenu yenza umoya wakhe waba lukhuni, lenhliziyo yakhe yaba lenkani, ukuze imnikele ezandleni zenu njengalamhlanje.

UDutheronomi 29:4

Kodwa kuze kube lamuhla iNkosi kayilinikanga ingqondo yokuqedisisa lamehlo okubona lendlebe zokuzwa.

UJakhobe 1:13

Umuntu olingwayo kangatsho ukuthi: Ngiyalingwa nguNkulunkulu. Ngoba uNkulunkulu angelingwe ngokubi, laye uqobo kalingi muntu.

Isambulo 18:4

Ngasengisizwa elinye ilizwi livela ezulwini lisithi: Phumani kulo, bantu bami, ukuze lingahlanganyeli kanye lalo, izono zalo lezifo zalo;