AmaHubo 123:4 - iBhayibhili Elingcwele 1978

⁴ Sesikhathele kakhulu yikukloloda kwabo abonwabileyo layikudelela kwabazigqajayo.

IBhayibhili Elingcwele LesiNdebele

⁴ Sesibhensele ukuhozwa okunengi ngabazigqajayo, ukweyiswa yilabo abaklolodayo.

AmaHubo 123:4 Mawu Ofanana

UNehemiya 2:19

Kodwa kwathi lapho uSanibalati waseHoroni loTobiya inceku, umAmoni, loGeshema umArabiya bekuzwa lokhu basihleka ulunya, baseyisa besithi: Kambe kuyini lokhu elikwenzayo na? Liyayivukela inkosi na?

UJobe 12:5

Emicabangweni yomuntu ohlezi kuhle ingozi iyadeleleka, ilungiselwe abalenyawo ezitshelelayo.

UJobe 16:4

Lami ngingakhuluma njengani uba belisendaweni yami; ngingakhuluma amazwi amanengi ngani, ngilinikinele ikhanda lami.

AmaHubo 119:51

Abaziqakisayo bangihleka ulunya, kodwa kangiphambuki emlayweni wakho.

U-Isaya 32:11

Thuthumelani, lina besifazana abachelesileyo, liqhuqhe, lina abangananziyo; khumulani izigqoko, lisale lize, lizibophe ngamasaka enkalweni zenu.

U-Isaya 32:9

Vukani, lina besifazana abachelesileyo, lizwe ilizwi lami; lina madodakazi angananziyo, lalelani ukukhuluma kwami.

UJeremiya 48:11

IMowabi lichelesile kusukela ebutsheni balo, belihlezi lizinzile; kalithululelwanga embizeni ngembiza, kalithunjwanga; ngakho ukunambitheka kwalo kuhlala kunjalo, iphsnga lalo kaliphenduki.

UJeremiya 48:27

UIsrayeli kabanga yinhlekisa kuwe na? Wafunyanwa phakathi kwamasela yini ukuba lapho ukhuluma ngaye, unikine ikhanda lakho na?

UJeremiya 48:29

Sizwile ngokuzigqaja kweMowabi; liyazigqaja kakhulu. Sizwile ngokuziphakamisa kwalo, lokuziqakisa kwalo, langokuzikhukhumeza kwalo.

uAmosi 6:1

Maye kubo abachelesileyo eZiyone labalondolozekileyo entabeni yaseSamariya, amadoda adumileyo esizwe sokuqala abaya kuwo abakoIsrayeli!

Imisebenzi 17:21

Ngoba bonke abaseAtene labezizwe abahlala khona babengasebenzi lutho, kuphela ukuxoxa lokuzwa ngezinto ezintsha.

Imisebenzi 17:32

Kwathi besizwa ngokuvuka kwabafileyo, abanye bahlekisana ngaye, kodwa abanye bathi: Sizaphinda sikuzwe ngalindaba.

Imisebenzi 26:24

Kwathi esaziphendulela ngokunjalo, uFestusi wathi ngelizwi elikhulu: Pawuli, uyahlanya, ukufunda okunengi kuyakuhlanyisa.

1 AbaseKhorinte 4:13

sithi sinyeywa thina, siphendule kuhle; senziwe amanyala omhlaba, imfucuza yezinto zonke, kuze kube khathesi.

1 USamuyeli 17:42

Kwathi lapho umFilistiya ekhangela wabona uDavida, wameyisa; ngoba wayengumfanyana nje obukekayo elobuso obubomvana lamehlo amahle.