AmaHubo 12:5 - iBhayibhili Elingcwele 1978

⁵ Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

IBhayibhili Elingcwele LesiNdebele

⁵ “Ngenxa yokuncindezelwa kwabayanga lokububula kwabaswelayo, sengizavuka khathesi,” kutsho uThixo. “Ngizabavikela kulabo ababachukuluzayo.”

AmaHubo 12:5 Mawu Ofanana

UJobe 5:15

Yena ukhulula abahluphekayo ebuhwabeni babo, labaswelayo esandleni sabalamandla.

UJobe 5:21

Uzafihlwa ebubini bokunyeya, kawuyikwesaba ukuchitheka lapho kufika.

AmaHubo 10:12

Vuka, Nkosi! Nkulunkulu, phakamisa isandla sakho, ungabakhohlwa abahluphekayo.

AmaHubo 10:18

ukuba wahlulele izintandane labacindezelweyo, ukuze umuntu wasemhlabeni angabe esesabeka.

AmaHubo 10:5

Indlela zakhe ziyaphumelela izikhathi zonke; izahlulelo zakho, Nkosi, ziphakeme kakhulu kulokubona kwakhe; izitha zakhe zonke uyazidelela.

AmaHubo 31:19

Yeka ubukhulu bokulunga kwakho okubekele labo abakwesabayo, okwenzela phambi kwabantu labo abaphephela kuwe!

AmaHubo 34:6

Lesisihlupheki sakhala eNkosini, yasizwa, yasikhulula kuzo zonke inkathazo zaso.

AmaHubo 73:8

Bayakloloda bakhulume ngobubi, bayazikhukhumeza benze amacebo okucindezela.

U-Eksodasi 5:2

Kodwa uFaro wathi: INkosi ingubani ukuba ngilalele ilizwi layo, ngivumele abakoIsrayeli bahambe na? Kangiyazi iNkosi, futhi kangiyikubavumela abakoIsrayeli ukuba bahambe.

Izaga 14:31

Ocindezela umyanga uthuka uMenzi wakhe, kodwa olomusa koswelayo uyamdumisa.

Izaga 18:21

Ulimi lulamandla phezu kokufa lokuphila; abaluthandayo bazakudla izithelo zalo.

UmTshumayeli 4:1

Ngasengibuya ngibone ukucindezela okwenziwa ngaphansi kwelanga; abacindezelwayo babekhala inyembezi, kodwa kungekho obaduduzayo. Kwakungekho abaduduzayo, ngoba abacindezeli babe lamandla.

UmTshumayeli 5:8

Uba ubona elizweni ukucindezelwa kwabayanga lokusweleka kokulunga lokwahlulela, kungakumangalisi okwenziwayo, ngoba zonke induna zibekelwe abakhulu ukuzikhangela, lomkhulu kulabo bonke uyabakhangela bonke.

U-Isaya 19:20

Izakuba yisibonakaliso sokuba khona kweNkosi yamabandla elizweni laseGibithe. Lapho bekhala eNkosini ngenxa yabacindezeli, izakubathumela umkhululi ozabavikela, abakhulule.

U-Isaya 33:10

INkosi ithi: Sengizavukake, khathesi ngizatshengisa amandla ami.

UHezekhiyeli 18:18

Uyiseke, ngoba ecindezele, waphanga umfowabo, wenza okungalunganga phakathi kwabantu bakibo, uzakufa ngenxa yezono zakhe.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

UJakhobe 5:4

Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.