AmaHubo 100:2 - iBhayibhili Elingcwele 1978

² Ikhonzeni iNkosi ngokujabula, lize phambi kwayo ngokuhlabela.

IBhayibhili Elingcwele LesiNdebele

² Mkhonzeni uThixo ngenjabulo; wozani phambi Kwakhe ngezingoma zokuthokoza.

AmaHubo 100:2 Mawu Ofanana

1 AmaKhosi 8:66

Ngosuku lwesificaminwembili uSolomoni wabadabulela abantu; bambonga, baya emizini yabo bethokoza bejabula enhliziyweni ngakho konke okuhle iNkosi uNkulunkulu eyayikwenzele uDavida inceku yayo loIsrayeli abantu bayo.

2 ImiLando 29:30

UHezekiya inkosi lezikhulu balaya amaLevi ukuba ayidumise iNkosi ngokuhlabela amazwi kaDavida lakaAsafi umboni. Ayidumisa ngokuhlabela, athokoza, athi mbo ngobuso phansi.

2 ImiLando 31:2

UHezekiya wasebeka abapristi lamaLevi ezikhundleni zabo, izigaba ngezigaba, wanika lowo lalowompristi lomLevi umsebenzi wakhe owokunikela umnikelo wokutshiswa lomnikelo wokuthula, lowokubongwa lokudumisa, lowokusebenza emasangweni ethempeli.

AmaHubo 42:4

Ngikhumbula lezizinto ngidabuke inhliziyo, ukuthi ngangihamba lamaxuku, ngiwakhokhele odwendweni lokuya endlini kaNkulunkulu ngenhlokomo yezingoma zokubonga, ixuku eligida umkhosi.

AmaHubo 71:23

Umlomo wami uzakuhlokoma ngentokozo lapho ngihlabelela izibongo kuwe, lomphefumulo wami owophuleyo uzakuhlokoma.

AmaHubo 95:2

Kasize phambi kwayo ngokubonga, sihlabele kuyo amahubo.

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 16:11

Endaweni iNkosi ezakuyikhetha ukuba lidunyiselwe kiyo lizakuthokoza phambi kwayo lina lamadodana enu lamadodakazi enu, lenceku zenu lencekukazi zenu, lomLevi ohlala emizini yenu, lowezizweni, lentandane, lomfelwakazi, abahlala kini.

UDutheronomi 16:14

lithabe emkhosini lina lamadodana enu lamadodakazi enu, lenceku zenu lencekukazi zenu, lomLevi, lowezizweni, lentandane, lomfelwakazi, abahlala emizini yenu.

UDutheronomi 28:47

Njengoba lingayikhonzanga iNkosi uNkulunkulu wenu ngokuthokoza langenhliziyo ejabulayo ngenxa yobunengi bempahla yenu yonke,

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.