AmaHubo 10:9 - iBhayibhili Elingcwele 1978

⁹ Uyacatsha ekusithekeni njengesilwane sicatshe esikhundleni saso; ucatshela ukumbamba ongumyanga, uyabamba ongumyanga ngembule lakhe.

IBhayibhili Elingcwele LesiNdebele

⁹ Uyacathama njengesilwane ekusithekeni; ucathamela labo abangelamandla; uyabadumela abahudulele emambuleni akhe.

AmaHubo 10:9 Mawu Ofanana

UJobe 38:40

lapho zilele ezikhundleni zazo, zicatheme emihomeni yazo na?

AmaHubo 109:31

Ngoba iyamela umyanga, ukuba imkhulule kulabo abamqumela ukufa.

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 140:5

Abantu abazigqajayo bangithiyile ngomjibila, bendlala imbule labo; bangithiya eceleni kwendlela.

AmaHubo 17:12

Banjengesilwane esikhuthalele ukubamba, njengesilwane esicathemeyo.

AmaHubo 35:10

Wonke amathambo ami azakuthi: Nkosi, ngubani onjengawe, okhulula ababuthakathaka kubo abalamandla, ababuthakathaka labaswelayo kubo ababaphangayo na?

AmaHubo 37:14

Ababi bayawuhwatsha umkhonto, bagobise amadandili abo, ukuba bamlahle phansi ohluphekayo loswelayo, bababulale labo abahamba ngobuqotho.

AmaHubo 59:3

Ngoba, khangela, bayangicathamela; abantu abesabekayo bayangihlanganyela, kungekho siphambeko lesono kimi, Nkosi;

Izaga 14:31

Ocindezela umyanga uthuka uMenzi wakhe, kodwa olomusa koswelayo uyamdumisa.

Izaga 22:16

Lowo ocindezela abayanga ukuba anothe, lopha abanothileyo uzakuba ngumyanga.

Izaga 28:15

Umbusi omubi obusa abantu abangelamandla unjengesilwane esibhongayo lebhere elizingelayo.

U-Isaya 3:15

Libachobozelani abantu bami ngokucindezela abangabayanga na? kutsho iNkosi uNkulunkulu wamabandla.

U-Isaya 32:7

Inkohliso zomkhohlisi zimbi; wenza amacebo amabi ukuba achithe abayanga ngamazwi amanga, abamuke okufaneleyo.

UJeremiya 5:26

Ngoba phakathi kwabantu bami kukhona abantu ababi, abacathamayo njengabathiyi becathamele inyoni, bathiya abantu ngemijibila yabo.

Izililo 3:10

Kimi injengebhere elicathemeyo, lanjengesilwane esicatshileyo.

UHezekhiyeli 22:29

Abantu belizwe bayaqilibezela, baphange abanye, bahluphe abayanga labaswelayo, bacindezele kakhulu abezizweni.

uAmosi 3:4

Isilwane singabhonga ehlathini singabambanga lutho na? sibhonge obhalwini lwaso singelalutho na?

UMikha 7:2

Abalungileyo babhubhile emhlabeni, kakusekho oqotho phakathi kwabantu; bonke bacathamela ukuchitha igazi, lowo lalowo uzingela umfowabo ngembule.

UHabhakhukhi 1:15

Isizwe samaKaladiya siyabakhupha bonke ngengwegwe, sibadonse ngembule, sibabuthe ngembule laso elihudulwayo; ngalokhoke siyathokoza sijabule.

UHabhakhukhi 3:14

Ngemitshoko yakho ucibile umkhokheli wamabutho akhe, afika njengesivunguzane ukusichitha, ethokoza kungathi azakudla abahluphekayo ekusithekeni.

UZakhariya 11:3

Ilizwi lokukhala kwabelusi liyezwakala, ngoba udumo lwabo luchithekile. Ukubhonga kwezilwane kuyezwakala ngoba ihlathi laseJordani liqothulwe.

UJohane 10:12

Oqatshiweyo engesuye umalusi, izimvu zingesizo ezakhe, ebona impisi isiza, utshiya izimvu, abaleke. Impisi izibambe, izichithe.

Imisebenzi 23:21

Kodwa wena ungabavumeli, ngoba abanye babo, amadoda adlula amatshumi amane, bamcathamele bazibophile ngesifungo ukuba bangadli banganathi, baze bambulale. Ngakho sebezilungisele balindele isithembiso sakho.