AmaHebheru 9:9 - iBhayibhili Elingcwele 1978

⁹ Konke lokhu kungumfanekiso walesisikhathi. Iminikelo lemihlatshelo emiswe lapho kayilamandla okwenza okhonzayo aphelele maqondana lesazela sakhe.

IBhayibhili Elingcwele LesiNdebele

⁹ Lokhu kungumfanekiso walesisikhathi, okubonakalisa ukuthi izipho lemihlatshelo okwakunikelwa kwakunganelisi ukuhlambulula izazela zabakhonzayo.

AmaHebheru 9:9 Mawu Ofanana

AbaseRoma 5:14

Kanti ukufa kwabusa kusukela kuAdamu kwaze kwafika kuMose, laphezu kwalabo ababengonanga ngendlela yokweqa kukaAdamu, ongumfanekiso wakhe obezakuza.

AbaseGalathiya 3:21

Phoke, umlayo uphambene lezithembiso zikaNkulunkulu na? Phinde! Ngoba uba wawunikiwe umlayo olamandla okuphilisa, ukulunga ngabe kukhona ngomlayo isibili.

AmaHebheru 10:11

Umpristi yilowo lalowo kambe uyema insuku ngensuku enkonzweni, enikela kanengi ngaleyomihlatshelo engasoze yaba lamandla okususa izono.

AmaHebheru 11:19

Ngoba wathi uNkulunkulu ulamandla okuvusa abantu ekufeni, ngokulinganisa wabuya wayizuza isivela kwabafileyo.

AmaHebheru 5:1

Ngoba ilowo lalowo umpristi omkhulu okhethwa ebantwini umiselwa abantu ezintweni zikaNkulunkulu, ukuze anikele izipho lemihlatshelo ngenxa yezono;

AmaHebheru 7:11

Ubake kwakukhona ukuphelela ngobupristi bukaLevi, ngoba isizwe sanikwa umlayo ngenxa yabo, kwakusadingekelani ukuba kuvele omunye umpristi ngokwendlela kaMelkizedeki engabizwa ngokwendlela kukaAroni na?

AmaHebheru 8:4

Ngoba uba ubesemhlabeni, ubengayikuba ngumpristi lakanye, ngoba bakhona abapristi abanikela umnikelo ngokomlayo.

AmaHebheru 9:24

Ngoba uKristu kangenanga endaweni engcwele eyenziwe ngezandla, engumfanekiso waleyo eqotho, kodwa wangena ezulwini uqobo ukuba khathesi abonakale phambi kukaNkulunkulu ngenxa yethu;

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,