AmaHebheru 7:24 - iBhayibhili Elingcwele 1978

²⁴ kodwa yena, ngenxa yokuba ehlala njalo, ulobupristi obungaphendukiyo.

IBhayibhili Elingcwele LesiNdebele

²⁴ kodwa uJesu uphila kuze kube laphakade, ulobuphristi obuyisimakade.

AmaHebheru 7:24 Mawu Ofanana

AmaHebheru 7:28

Umlayo uyamisa abantu ababuthakathaka babe ngabapristi abakhulu, kodwa ilizwi lesifungo elalandela umlayo lamisa iNdodana ephelelisiweyo kuze kube nininini.

UJohane 12:34

Ngakho ixuku lamphendula lathi: Sizwile emlayweni ukuthi uKristu uhlala kokuphela; ungatsho kanjani ukuthi iNdodana yomuntu imele ukuphakanyiswa na? Ingubani iNdodana yomuntu na?

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

AmaHebheru 13:8

UJesu Kristu nguye izolo, lalamuhla, lanininini.

AbaseRoma 6:9

Siyazi ukuthi uKristu, esevusiwe kwabafileyo, kasoze afe futhi; ngoba ukufa kungebe kusabusa phezu kwakhe.

1 USamuyeli 2:35

Ngizakuzimisela umpristi othembekileyo ozakwenza okusenhliziyweni yami lokusengqondweni yami. Ngizakummisela indlu eqinileyo, akhonze phambi kogcotshiweyo wami kuze kube nininini.

AbaseRoma 9:5

bangababo okhokho avela kubo uKristu ngokwenyama. UNkulunkulu ophezu kwakho konke kabongwe kuze kube nininini. Ameni.