AbaseRoma 7:4 - iBhayibhili Elingcwele 1978

⁴ Ngokunjaloke, bazalwane, selifile lani mayelana lomlayo ngomzimba kaKristu, ukuze libe ngabomunye, lowo owavuswa kwabafileyo ukuba sithelele uNkulunkulu izithelo.

IBhayibhili Elingcwele LesiNdebele

⁴ Ngakho-ke, bazalwane bami, lani lafela emthethweni ngomzimba kaKhristu, ukuze libe ngabomunye, kuye owavuswa kwabafileyo, ukuze sithele izithelo kuNkulunkulu.

AbaseRoma 7:4 Mawu Ofanana

U-Isaya 54:5

Ngoba uMenzi wakho nguye ongumkakho, obizwa ngokuthi yiNkosi yamabandla; loNgcwele kaIsrayeli unguMhlengi wakho, obizwa ngokuthi nguNkulunkulu womhlaba wonke.

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

UMatewu 26:26

Besadla uJesu wathatha isinkwa, wabonga, wasihlephula, wabanika abafundi bakhe wathi: Thathani lidle; lokhu kungumzimba wami.

UMakho 4:20

Labahlanyelwe emhlabathini omuhle yilabo abathi belizwile ilizwi, balamukele, bathele amatshumi amathathu, lamatshumi ayisithupha, lekhulu.

UJohane 15:8

UBaba uyadunyiswa ngalokhu ukuba lithele izithelo ezinengi, ukuze libe ngabafundi bami.

UJohane 3:29

Olomlobokazi ungumyeni, kodwa isinini somyeni esimiyo simuzwa, sithokoza kakhulu ngelizwi lomyeni. Ngakhoke lintokozo yami isiphelele.

UJohane 6:51

Mina ngiyisinkwa esiphilayo esehla sivela ezulwini. Uba umuntu esidla lesisinkwa, uzakuphila kokuphela; isinkwa engizakusinika siyinyama yami engizakuyinikela ngenxa yokuphila komhlaba.

AbaseRoma 6:11

Ngokunjalo lani kalibokuthi lifile mayelana lesono, kodwa liphilele uNkulunkulu kuKristu Jesu.

AbaseRoma 6:14

isono kasiyikubusa phezu kwenu ngoba kalingaphansi komlayo, kodwa lingaphansi komusa.

AbaseRoma 6:2

Phinde! Thina esafa mayelana lesono singaba sisasila kanjani kuso na?

AbaseRoma 6:22

Kodwa khathesi, njengoba selikhululiwe esonweni laba ngabakhonzayo uNkulunkulu, lizuza umvuzo oletha ubungcwele, lasekucineni ukuphila okungapheliyo.

AbaseRoma 7:3

Ngakhoke, lapho indoda isekhona, uzakuthiwa yisifebe, uba esiba ngowenye indoda; kodwa uba indoda isifile, ukhululekile emlayweni, angebe yisifebe uba esendela kwenye indoda.

AbaseRoma 7:6

Kodwa khathesi sesikhululiwe emlayweni, sifile mayelana lalokho esasibanjiwe yikho, ukuba sikhonze uNkulunkulu ekuphileni okutsha kukaMoya, singakhonzi ngokudala okulotshiweyo.

AbaseRoma 8:2

Ngoba kuKristu Jesu umlayo woMoya ophilisayo ungikhulule emlayweni wesono lowokufa.

1 AbaseKhorinte 10:16

Inkezo yesibusiso esiyibusisayo kasiyo eyokuhlanganyela egazini likaKristu na? Isinkwa esisihlephunayo kasiso esokuhlanganyela emzimbeni kaKristu na?

2 AbaseKhorinte 11:2

Ngilobukhwele ngani ngobukhwele obungobukaNkulunkulu, ngoba ngalendisela kuKristu ukuba ngilise endodeni eyodwa liyintombi emsulwa.

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

AbaseGalathiya 5:18

Kodwa uba likhokhelwa nguMoya kalisekho ngaphansi komlayo.

Abase-Efesu 2:15

ngoba wachitha umlayo olemithetho lezimiso, ukuba abenze kuye labo ababili babe ngumuntu munye omutsha, ngalokhu enze ukuthula.

AbaseFiliphi 1:11

ligcwaliswe ngezithelo zokulunga ezingoJesu Kristu, kube yibukhosi lodumo kuNkulunkulu.

AbaseFiliphi 4:17

Kangitsho ukuthi ngifuna isiphiwo, kodwa ngifuna isithelo esizakwandisa ukulunga kwenu.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

AbaseKholose 1:6

eselifikile kini, njengalokhu selikhona emhlabeni wonke. Lelivangeli liyanda lithela izithelo, njengoba kunjalo laphakathi kwenu, kusukela mhla wosuku elezwa ngalo, lawazi umusa kaNkulunkulu ngeqiniso.

AbaseKholose 2:14

uyicimile incwadi yemilandu emelana lathi ngemilayo yayo; wayisusa ngokuyibethela esiphambanweni;

AbaseKholose 2:20

Uba lafa kanye loKristu, lakhululwa kuyo impi yemimoya yalumhlaba, kungani ukuba kungathi lisaphila ngokomhlaba na? Kungani lithobela imithetho yokuthi:

AmaHebheru 10:10

Ngaleyontando senziwe saba ngcwele ngokunikelwa komzimba kaJesu Kristu kanye kuphela.

1 UPhethro 2:24

Yena wathwala izono zethu emzimbeni wakhe esiphambanweni, ukuze kuthi sesifile esonweni siphile ekulungeni. Lisilisiwe ngamanxeba akhe.

Isambulo 19:7

Asithokoze, sithabe, simdumise, ngoba umthimba weWundlu usufikile, lomlobokazi usezilungisele;

Isambulo 21:9

Kwasekusiza esinye isithunywa kweziyisikhombisa ezazilemiganu eyisikhombisa egcwele izifo eziyisikhombisa, sakhuluma lami sisithi: Woza lapha, ngikutshengise umlobokazi, umkaWundlu.