AbaseRoma 2:3 - iBhayibhili Elingcwele 1978

³ Wena muntu othonisisa abenza okunjalo, ukwenza lawe, ucabanga ukuthi uzakuphepha ukuthonisisa kukaNkulunkulu na?

IBhayibhili Elingcwele LesiNdebele

³ Ngakho lapho-ke, wena muntu nje, ubahlulela, kodwa usenza izinto ezifanayo, ucabanga ukuthi uzakubalekela ukwahlulela kukaNkulunkulu na?

AbaseRoma 2:3 Mawu Ofanana

2 USamuyeli 10:3

Izikhulu zamaAmoni zathi kuHanuni inkosi yazo: Kambe ucabanga ukuthi uDavida uthumele abaduduzi kuwe ukuba ahloniphe uyihlo na? Kazithumanga yini inceku zakhe kuwe ukuba ziphenye umuzi, ziwuhlole, ziwuchithe na?

UJobe 35:2

Uzaqhubeka ngokuqinisa ukuthi uqondile, wena Jobe, uqhubeke ngokubambelela ekutheni kawulacala phambi kukaNkulunkulu

AmaHubo 50:21

Lokhu ukwenzile, ngathula; wacabanga ukuthi nginjengawe. Kodwa khathesi ngiyakukhuza, ngikutshengise amacala akho.

AmaHubo 56:7

Baphindisele ngokubi kwabo; ekuthukutheleni badilizele phansi abantu, Nkulunkulu.

Izaga 11:21

Impela omubi kayikuyekelwa, kodwa abalungileyo bazakhululwa.

Izaga 16:5

INkosi izonda umuntu oyisiqholo, impela kayikuyekelwa.

UHezekhiyeli 17:15

Kodwa lowo wayivukela ngokuthuma izithunywa eGibithe, ukuba bamnike amabhiza lempi enkulu. Uzaphumelela na? Kambe umuntu owenza okunje angaphepha na? Angasaphula isivumelwano aphephe na?

UHezekhiyeli 17:18

Ngoba esidelele isifungo, waphula isivumelwano, wazithoba, kodwa wenza zonke lezizinto, kayikuphunyuka.

UDanyeli 10:19

Wasesithi: Wena muntu othandekayo kakhulu, ungesabi; ukuthula kakube kuwe, qina ume isibindi. Kwathi lapho ekhuluma lami ngaqina, ngasengisithi: Kayikhulume inkosi yami, ngoba isingiqinisile.

UMatewu 23:33

Lina zinyoka, nzalo yamabululu, lizakukuphepha kanjani ukulahlwa kwasesihogweni na?

UMatewu 26:53

Kambe uthi ngingencenge uBaba ukuba angithumele masinyane izimpi zezithunywa ezidlula itshumi lambili na?

ULukha 12:14

Kodwa wathi kuye: Ndoda, ngubani ongimise ukuba ngibe ngumthonisisi loba umahlukanisi wempahla kini na?

ULukha 22:58

Ngemva kwesikhatshana omunye wambona, wathi: Lawe ungomunye wabo. Kodwa uPetro wathi: Ndoda, kangisuye.

ULukha 22:60

Kodwa uPetro wathi: Ndoda, kangazi ukuthi uthini. Lahle lakhala iqhude esakhuluma.

AbaseRoma 1:32

bewazi umthetho kaNkulunkulu wokuthi abenza okunjalo bafanele ukufa, kodwa bayakwenza; futhi bavumelana labakwenzayo.

AbaseRoma 2:1

Ngakhoke, wena muntu, kawulakuzilandulela, loba ungubani, lapho uthonisisa; ngoba ngalokho othonisisa ngakho omunye uyazilahla wena, ngoba wena othonisisayo uyakwenza khona lokho lawe.

AbaseRoma 2:2

Siyazi ukuthi ukuthonisisa kukaNkulunkulu kwehlela ngokweqiniso abenza okunjalo.

AbaseRoma 9:20

Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?

1 AbaseThesalonika 5:3

Nxa besithi: Ukuthula lokuhlala kuhle; kung’khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,