AbaseKholose 4:12 - iBhayibhili Elingcwele 1978

¹² Uyalibingelela uEpafra omunye wakini, inceku kaKristu Jesu; uyalikhulekela kakhulu ngezikhathi zonke ukuba lime liphelele liqine entandweni yonke kaNkulunkulu.

IBhayibhili Elingcwele LesiNdebele

¹² U-Ephafrasi ongomunye wenu lenceku kaKhristu uJesu uyalibingelela. Uhlezi elikhulekela kakhulu ukuba liqine kuyo yonke intando kaNkulunkulu liphelele njalo lithembile.

AbaseKholose 4:12 Mawu Ofanana

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

ULukha 1:1

Njengoba abanengi sebezamile ukuloba belandisa ngalezizinto ezigcwaliseke phakathi kwethu,

ULukha 22:44

Esosizini olunzima wakhuleka kakhulu, izithukuthuku zakhe zaba njengamathonsi egazi, athontela emhlabathini.

UJohane 12:26

Uba umuntu engikhonza, kangilandele; lalapho ngikhona, uzakuba khona umfokazi wami. Uba umuntu engikhonza, uBaba uzakumdumisa yena.

AbaseRoma 15:14

Mina ngokwami nganelisiwe ngani, bazalwane, ukuthi lina ligcwele okuhle, ligcwalisiwe yikwazi konke, lilamandla futhi okwelulekana.

AbaseRoma 15:30

Ngiyalincenga, bazalwane, ngayo iNkosi yethu uJesu Kristu langothando lukaMoya, ukuba lizame kanye lami ngokungikhulekela kuNkulunkulu,

1 AbaseKhorinte 14:20

Bazalwane, lingabi ngabantwana ngengqondo zenu; kanti ebubini wobani msulwa njengezingane, kodwa ekunakaneni libe ngabakhulileyo.

1 AbaseKhorinte 2:6

Ukuhlakanipha sikukhuluma phakathi kwabapheleleyo, lanxa kungeyisikho ukuhlakanipha kwalesisikhathi ingabe ukuhlakanipha kwababusi balesisikhathi, abazakubhubha.

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

AbaseGalathiya 1:10

Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.

AbaseGalathiya 4:19

Bantwana bami, ngilomhelo futhi ngani, uKristu aze abunjwe phakathi kwenu.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

AbaseKholose 1:28

Nguye esimtshumayelayo, seluleka wonke umuntu, sifundisa bonke abantu ngokuhlakanipha konke, ukuze sibalethe bonke kuKristu bephelele.

AbaseKholose 1:29

Ngitshikatshikela khona lokho, ngizama ngamandla wonke kaKristu asebenza ngawo kimi.

AbaseKholose 1:7

Lokhu lakufundiswa nguEpafra othandekayo oyinceku kanye lathi, oyisikhonzi esithembekileyo sikaKristu ngenxa yethu;

AbaseKholose 1:9

Ngakhoke lathi, kusukela mhla wosuku esezwa ngalo, kasiyekeli ukulikhulekela lokulicelela ukuba ligcwaliswe ngokwazi intando yakhe ngokuhlakanipha konke lokuqedisisa okungomoya,

AbaseKholose 4:9

Ngithume uOnesimo kanye laye, umzalwane othembekileyo lothandekayo, ongomunye wakini. Bazakulazisa ngakho konke okulapha.

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

UFilimoni 1:23

Uyabingelela eEpafra oyisibotshwa kanye lami kuKristu Jesu,

AmaHebheru 5:14

Kodwa ukudla okuqinileyo kungokwabo abakhulileyo, asebejwayele ukusebenzisa ingqondo zabo, asebelakho ukwahlukanisa okuhle kokubi.

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.

UJakhobe 1:1

Mina Jakobe, inceku kaNkulunkulu leyeNkosi uJesu Kristu, ngiyabingelela kuzo izizwe ezilitshumi lambili ezihlakazekileyo.

UJakhobe 1:4

ukubekezela kakube lomsebenzi opheleleyo, ukuze libe ngabapheleleyo, lingasweli lutho.

UJakhobe 5:16

Ngakhoke vumani izono zenu omunye komunye, likhulekelane ukuze lisiliswe. Umkhuleko womuntu olungileyo ulamandla kakhulu.

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:

UJuda 1:24

Kuye olamandla okulilinda ukuba lingakhubeki, lokulimisa phambi kwenkazimulo yakhe lingelasici, lilokuthokoza okukhulu,