AbaseKholose 3:5 - iBhayibhili Elingcwele 1978

⁵ Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

IBhayibhili Elingcwele LesiNdebele

⁵ Ngakho-ke, kubulaleni konke okungokwemvelo yenu yasemhlabeni: okubalisa ukuhlobonga, ukungcola, inkanuko, izifiso ezimbi, ubuhwaba lokukhonza izithombe.

AbaseKholose 3:5 Mawu Ofanana

U-Eksodasi 37:22

Iziduku lezingatsha zaziyintonye kanye lalo, umsebenzi munye okhandiweyo lowegolide elihle.

UMatewu 15:19

Ngoba enhliziyweni kuvela imicabango emibi, lokubulala, lobufebe, lokuphinga, lokweba, lokufakaza amanga, lokunyeya.

AbaseRoma 1:26

Ngenxa yalokho uNkulunkulu wabayekela enkanukweni ezimbi. Abesifazana babo baphendula ukwenza kwemvelo kwaba ngokuphambene lemvelo.

AbaseRoma 1:29

begcwele konke ukungalungi, lobubi, lomhawu, lenzondo; begcwele umona, lokubulala, lenkani, lenkohliso, lolunya; bengabahlebayo

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

AbaseRoma 7:23

kodwa ngibona ezithweni zami omunye umlayo olwayo lomlayo wengqondo yami, ungithumbela emlayweni wesono osezithweni zami.

AbaseRoma 7:5

Kwathi sisaphila ngokwabantu, inkanuko zethu ezimbi ezavuswa ngomlayo zasebenza ezithweni zethu ukuthelela ukufa izithelo.

AbaseRoma 8:13

Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila.

1 AbaseKhorinte 5:1

Impela kuyatshiwo ukuthi kukhona ukuphinga phakathi kwenu, futhi ukuphinga kohlobo olungekho ngitsho laphakathi kwabangakholwayo, okokuthi omunye wakini uthethe umkayise.

1 AbaseKhorinte 6:11

Babenjalo abanye benu; kodwa selageziswa, lahlukaniselwa kuNkulunkulu, lalungisiswa ngebizo leNkosi uJesu Kristu langoMoya kaNkulunkulu wethu.

1 AbaseKhorinte 6:13

Ukudla ngokwesisu, lesisu ngesokudla; kodwa uNkulunkulu uzakukuchitha kokubili. Umzimba kayisiwo wokuphinga, ungoweNkosi, leNkosi ingeyomzimba.

1 AbaseKhorinte 6:18

Balekelani ukuphinga. Zonke izono ezinye azenzayo umuntu zingaphandle komzimba; kodwa ophingayo wona umzimba wakhe.

2 AbaseKhorinte 12:21

Ngilovalo lokuthi ekufikeni kwami futhi uNkulunkulu wami angithobise phambi kwenu, ngililele abanengi abonileyo ngaphambili, abangaphendukanga kukho ukungcola lobufebe lamanyala abakwenzileyo.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

Abase-Efesu 4:19

Kabaselasihawu, bazinikela emanyaleni, ukuze benze inhlobo zonke zokungcola.

AbaseKholose 2:11

Lasokelwa kuye ngokusoka okungenziwanga ngezandla, kodwa okulikhulula emandleni omzimba; lokhu kuyikusoka kukaKristu.

1 AbaseThesalonika 4:3

Intando kaNkulunkulu yikuba libe ngcwele, lizithinte ekuphingeni;

1 AbaseThesalonika 4:5

Lingabuswa yinkanuko njengabangakholwayo abangamaziyo uNkulunkulu;

1 uTimothi 6:10

Ukuthanda imali kuyimpande yakho konke okubi; abanye ngokuyifisa baduhile ekukholweni, bazibangela insizi ezinengi.

AmaHebheru 12:16

kungabi khona oyisifebe longakhonzi uNkulunkulu njengoEsawu owathengisa ubuzibulo bakhe ngenxa yokudla okukodwa.

AmaHebheru 13:4

Ukuthathana kakuhlonitshwe yibo bonke, kuhlonitshwe lesifungo somthimba, ngoba uNkulunkulu uzakuzithonisisa iziphingi lezifebe.

AmaHebheru 13:5

Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.

UJakhobe 4:1

Kuvelaphi ukulwa lokuxabana phakathi kwenu na? Kakuveli ezinkanukweni zenu ezilwayo ezithweni zenu na?

1 UPhethro 2:11

Bathandekayo, ngiyalincenga lokhu liyizihambi labemzini ukuba lizigcine ezinkanukweni zomzimba ezilwa lomphefumulo wenu;

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.