AbaseKholose 3:3 - iBhayibhili Elingcwele 1978

³ Ngoba lafa, ukuphila kwenu kufihliwe loKristu kuNkulunkulu.

IBhayibhili Elingcwele LesiNdebele

³ Ngoba lafa, ukuphila kwenu khathesi kufihlwe loKhristu kuNkulunkulu.

AbaseKholose 3:3 Mawu Ofanana

UMatewu 11:25

Ngalesosikhathi uJesu wakhuluma wathi: Ngiyakubonga, Baba, Nkosi yezulu lomhlaba, ngoba ukufihlile lokhu kwabahlakaniphileyo labaqedisisayo, wakwambulela izingane.

UJohane 14:19

Ngesikhatshana umhlaba kawusayikungibona, kodwa lina lizangibona; ngoba ngiyaphila, lani lizakuphila.

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

UJohane 4:14

kodwa lowo onatha amanzi engizakumnika wona kasayikoma; amanzi engizakumnika wona azakuba ngumthombo ogobhozayo phakathi kwakhe, kube yikuphila okungapheliyo.

UJohane 5:21

Njengalokhu uYise evusa abafileyo, abanike ukuphila, kunjaloke leNdodana iyabanika ukuphila labo ethanda ukubasilisa.

UJohane 5:24

Ngiqinisile, ngiqinisile ngithi kini: Olizwayo ilizwi lami, akholwe kuye ongithumileyo, ulokuphila okungapheliyo; kangeni ekwahlulelweni, kodwa usephumile ekufeni, wangena ekuphileni.

UJohane 5:40

Kanti kalivumi ukuza kimi ukuba libe lokuphila.

AbaseRoma 5:10

Ngoba uba, lapho siseyizitha, sazuza ukubuyisana loNkulunkulu ngokufa kweNdodana yakhe, ikakhulu, lokhu sesizuze ukubuyisana, sizakusiliswa ngokuphila kwayo.

AbaseRoma 5:21

ukuze, njengoba isono sabusa ngokufa, ngokunjalo umusa ubuse ngokulunga, kube khona ukuphila okungapheliyo ngoJesu Kristu iNkosi yethu.

AbaseRoma 6:11

Ngokunjalo lani kalibokuthi lifile mayelana lesono, kodwa liphilele uNkulunkulu kuKristu Jesu.

AbaseRoma 6:2

Phinde! Thina esafa mayelana lesono singaba sisasila kanjani kuso na?

AbaseRoma 8:2

Ngoba kuKristu Jesu umlayo woMoya ophilisayo ungikhulule emlayweni wesono lowokufa.

1 AbaseKhorinte 15:45

Ngakho kulotshiwe ukuthi: Umuntu wokuqala uAdamu waba ngumuntu ophilayo; uAdamu wokucina waba ngumoya ophilisayo.

1 AbaseKhorinte 2:14

Umuntu wemvelo kazamukeli izinto zikaMoya kaNkulunkulu, ngoba ziyibuthutha kuye; kalawo amandla okuziqedisisa, ngoba ziqedisiswa ngokuboniswa nguMoya.

2 AbaseKhorinte 5:14

Ngoba uthando lukaKristu luyasiqhubezela, sibona lokhu ukuthi munye owafela bonke; ngakhoke bonke sebafa.

2 AbaseKhorinte 5:7

ngoba sihamba ngokukholwa, kasihambi ngokubona.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

Abase-Efesu 3:9

lokubakhanyisela bonke abantu ukuthi liyini icebo lemfihlakalo ebifihliwe kuNkulunkulu owadala izinto zonke kusukela ekudatshulweni kwesikhathi,

AbaseFiliphi 4:7

Ukuthula kukaNkulunkulu okudlula ukuqedisisa konke kuzakulondoloza inhliziyo zenu lemicabango yenu kuKristu Jesu.

AbaseKholose 1:5

Lezizinto ezimbili zivela ethembeni elibekelwe lona ezulwini, elezwa ngalo ngaphambili ngelizwi leqiniso elilivangeli

AbaseKholose 2:20

Uba lafa kanye loKristu, lakhululwa kuyo impi yemimoya yalumhlaba, kungani ukuba kungathi lisaphila ngokomhlaba na? Kungani lithobela imithetho yokuthi:

AbaseKholose 2:3

okufihlwe kuye inotho yonke yokuhlakanipha leyokwazi.

AbaseKholose 3:4

Lapho esebonakaliswa uKristu oyikuphila kwethu, lani lizakubonakaliswa kanye laye enkazimulweni.

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.

1 UPhethro 3:4

Kodwa kakube ngumuntu osithekileyo wenhliziyo oceca ngokungagugiyo komoya omnene lokuthula, okuligugu phambi kukaNkulunkulu.

1 UPhethro 4:2

ukuze ngesikhathi esisaseleyo lisesekhona lingabe lisahlala ngezinkanuko zabantu kodwa ngentando kaNkulunkulu.

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.