AbaseKholose 3:11 - iBhayibhili Elingcwele 1978

¹¹ Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

IBhayibhili Elingcwele LesiNdebele

¹¹ Lapha akula oweZizwe loba umJuda, osokileyo loba ongasokanga, iqaba, umSikhethiya, isigqili loba okhululekileyo kodwa uKhristu uyikho konke njalo ukubo bonke.

AbaseKholose 3:11 Mawu Ofanana

AmaHubo 117:2

Ngoba uthando lwayo olungapheliyo lukhulu kithi, lobuqotho beNkosi bumi kuze kube nininini. Dumisani iNkosi!

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 52:10

INkosi iwavezile amandla ayo angcwele phambi kwazo zonke izizwe, umhlaba wonke uzakubona ukukhulula kukaNkulunkulu wethu.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UHezekhiyeli 47:22

Lilabe libe ngelenu lelabezizwe abahlala phakathi kwenu, bezala abantwana phakathi kwenu. Bazakuba njengamadodana azalelwe koIsrayeli. Kanye lani bazakwabelwa ilizwe phakathi kwezizwe zakoIsrayeli.

UHosiya 2:23

Ngizakumhlanyela uIsrayeli elizweni abe yisivuno sami. Ngizamhawukela uLo‐Ruhama, ngithi kuLo‐Ami: Lina lingabantu bami; yena athi: Wena unguNkulunkulu wethu.

uAmosi 9:12

ukuze badle ilifa lokuseleyo eEdoma, lasezizweni zonke ezibizwa ngebizo lami, kutsho iNkosi eyenza lokhu.

UMikha 4:2

lezizwe ezinengi zizakufika zithi: Wozani sikhwele entabeni yeNkosi, siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma ukufundisa eZiyone, lelizwi leNkosi eJerusalema.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UJohane 14:23

UJesu wamphendula wathi: Uba umuntu engithanda, uzakulondoloza ilizwi lami; uBaba uzakumthanda yena; sizakuza kuye, sihlale laye.

UJohane 15:5

Mina ngilivini, lina lizingatsha; lowo ohlala kimi, lami ngihlale kuye, yena uyathela izithelo ezinengi; ngoba ngaphandle kwami lingenze lutho.

UJohane 17:23

Mina ngikibo, lawe ukimi, ukuze bapheleliswe babe munye, ukuba umhlaba wazi ukuthi nguwe ongithumileyo, lokuthi ubathandile bona, njengalokhu ungithandile mina.

Imisebenzi 15:17

ukuze abaseleyo babantu kanye lezizwe zonke bayifune iNkosi ababizwe ngebizo lami,

Imisebenzi 28:2

Abantu bakhona basiphatha ngomusa ongandanga, ngoba babasa umlilo, basamukela sonke, ngoba laseliqalisile ukuna izulu sekuqanda.

Imisebenzi 28:4

Abantu bakhona bebona isilo silenga esandleni sakhe, bakhulumisana besithi: Impela lumuntu ungumbulali; ngoba lanxa ephephile olwandle, ukuLunga kakuvumi ukuba asile.

AbaseRoma 1:14

Ngilomlandu kumaGriki lakwabezizwe, kwabahlakaniphileyo lakuzo izithutha.

AbaseRoma 10:12

Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

AbaseRoma 3:22

ngitsho ukulunga kukaNkulunkulu okungokukholwa kuKristu kibo bonke abakholwayo. Ngoba kawukho umahluko.

AbaseRoma 3:29

Kambe uNkulunkulu unguNkulunkulu wabaJuda kuphela na? Kasuye uNkulunkulu lowabezizwe na? Yebo, lowabezizwe,

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

1 AbaseKhorinte 14:11

Ngakhoke uba ngingalwazi ulimi, ngizakuba ngowezizweni kulowo okhulumayo, lalowo okhulumayo uzakuba ngowezizweni kimi.

1 AbaseKhorinte 7:19

Ngoba ukusoka kakusilutho, lokungasoki kakusilutho, kuphela ukulondoloza imilayo kaNkulunkulu.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

Abase-Efesu 1:23

elingumzimba wakhe, eligcwaliswa nguye ogcwalisa konke jikelele.

Abase-Efesu 2:14

Ngoba yena uyikuthula kwethu, owenza abaJuda labezizwe babe munye, lowabhidliza ubutha obabumi phakathi kwabo njengomduli owahlukanisayo;

Abase-Efesu 2:15

ngoba wachitha umlayo olemithetho lezimiso, ukuba abenze kuye labo ababili babe ngumuntu munye omutsha, ngalokhu enze ukuthula.

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

Abase-Efesu 6:8

lazi ukuthi konke okuhle umuntu akwenzayo, uzakwamukeliswa okunjalo yiNkosi, loba eyisigqili loba engokhululekileyo.

AbaseKholose 2:10

liphelelisiwe kuye. Uyinhloko yokubusa konke lamandla.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

2 UJohane 1:9

Lowo oweqisayo, angemi ekufundiseni kukaKristu, kalaye uNkulunkulu; ohlala ekufundiseni kukaKristu lowo ulaye uBaba leNdodana.