AbaseKholose 2:6 - iBhayibhili Elingcwele 1978

⁶ Ngakhoke njengalokho limamukele uKristu Jesu iNkosi, hlalani kuye,

IBhayibhili Elingcwele LesiNdebele

⁶ Ngakho-ke, njengoba uKhristu Jesu lamamukela njengeNkosi, qhubekani liphila kuye,

AbaseKholose 2:6 Mawu Ofanana

U-Isaya 2:5

Wena ndlu kaJakobe, wozani sihambe ekukhanyeni kweNkosi.

UMikha 4:2

lezizwe ezinengi zizakufika zithi: Wozani sikhwele entabeni yeNkosi, siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma ukufundisa eZiyone, lelizwi leNkosi eJerusalema.

UMatewu 10:40

Owamukela lina uyamukela mina; owamukela mina uyamukela ongithumileyo.

UJohane 13:20

Ngiqinisile, ngiqinisile ngithi kini: Owamukela ongimthumileyo wamukela mina: lowamukela mina wamukela ongithumileyo.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

2 AbaseKhorinte 5:7

ngoba sihamba ngokukholwa, kasihambi ngokubona.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 3:26

Ngoba lina lonke lingabantwana bakaNkulunkulu ngokukholwa kuKristu Jesu.

Abase-Efesu 4:1

Ngakhoke mina sibotshwa ngenxa yeNkosi ngiyalincenga ukuba lihambe ngokufanele ukubizwa elabizwa ngakho,

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

1 UJohane 2:6

lowo othi uhlala kuye, ufanele yena ahambe njengalokhu ahamba uKristu.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

UJuda 1:3

Bathandekayo, lapho ngisatshisakela ukulilobela ngokusiliswa esikuhlanganyelayo, ngabona ukuthi kuswelekile ukuba ngililobele, ngilikhuthaze, ukuba lilwele ukukholwa abakunikwayo abangcwele kwaba kanye.