AbaseKholose 2:20 - iBhayibhili Elingcwele 1978

²⁰ Uba lafa kanye loKristu, lakhululwa kuyo impi yemimoya yalumhlaba, kungani ukuba kungathi lisaphila ngokomhlaba na? Kungani lithobela imithetho yokuthi:

IBhayibhili Elingcwele LesiNdebele

²⁰ Njengoba lafa loKhristu ezimisweni zalo umhlaba, kungani liphila sengathi lilokhu lingabawo, lizibeka ngaphansi kwemithetho yawo yokuthi,

AbaseKholose 2:20 Mawu Ofanana

UJohane 15:19

Uba belingabomhlaba, umhlaba ubuzakuthanda abawo, kodwa ngoba lingesibo abomhlaba kodwa ngalikhetha mina emhlabeni, ngakho umhlaba uyalizonda.

2 AbaseKhorinte 10:3

Ngoba lanxa sikhona emhlabeni kasilwi impi yasemhlabeni;

AbaseGalathiya 4:3

Ngokunjalo lathi, lapho siseyizingane sasiyizigqili ngaphansi kwempi yemimoya yalumhlaba.

AbaseGalathiya 6:14

Kodwa kimi kakungabi khona lakanye ukuzincoma, kuphela ngesiphambano seNkosi yethu uJesu Kristu, okubethelwe ngaso umhlaba kimi, lami kuwo umhlaba.

Abase-Efesu 2:15

ngoba wachitha umlayo olemithetho lezimiso, ukuba abenze kuye labo ababili babe ngumuntu munye omutsha, ngalokhu enze ukuthula.

AbaseKholose 2:14

uyicimile incwadi yemilandu emelana lathi ngemilayo yayo; wayisusa ngokuyibethela esiphambanweni;

AbaseKholose 2:16

Ngakho kakungabi khona umuntu olilahla ngokudla langokunatha, loba langemikhosi, loba ngokuthwasa kwenyanga, loba ngeSabatha.

AbaseKholose 2:21

Ungaphathi, ungezwa ngolimi, ungathinti?

AbaseKholose 2:8

Xwayani funa kube khona olithumbayo ngokuhlakanipha langokukhohlisa okuyize, okungokwemvelo yabantu langokwempi yemimoya yalumhlaba, kungesikho ngokukaKristu.

AbaseKholose 3:3

Ngoba lafa, ukuphila kwenu kufihliwe loKristu kuNkulunkulu.

AmaHebheru 13:9

Lingaduhiswa yizifundiso eziyinhlobonhlobo lezingaziwayo; ngoba kuhle ukuthi inhliziyo iqiniswe ngomusa, kungabi ngokudla okungabasizanga lalabo ababebambelela kukho.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

1 UJohane 5:19

Siyazi ukuthi thina singabakaNkulunkulu, lokuthi umhlaba wonke usemandleni kaSathane.