AbaseKholose 2:12 - iBhayibhili Elingcwele 1978

¹² Lambelwa kanye laye ngobhaphathizo, ngalo futhi lavuswa kanye laye ngokukholwa ngamandla kaNkulunkulu amvusa kwabafileyo.

IBhayibhili Elingcwele LesiNdebele

¹² ngokungcwatshwa laye ngobhaphathizo labuye lavuswa kanye laye ngokukholwa kwenu emandleni kaNkulunkulu owamvusa kwabafileyo.

AbaseKholose 2:12 Mawu Ofanana

ULukha 17:5

Abaphostoli basebesithi eNkosini: Yandisa ukukholwa kwethu.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 2:24

yena uNkulunkulu wamvusa esethukulule ubuhlungu bokufa, ngoba kwakungelakwenzeka ukuba abanjwe yikho.

Imisebenzi 2:32

UJesu lo, uNkulunkulu wamvusa, singofakazi balokhu thina sonke.

AbaseRoma 4:24

kodwa langenxa yethu esizakubalelwa khona, thina esikholwa kuye owavusa uJesu iNkosi yethu kwabafileyo,

AbaseRoma 7:4

Ngokunjaloke, bazalwane, selifile lani mayelana lomlayo ngomzimba kaKristu, ukuze libe ngabomunye, lowo owavuswa kwabafileyo ukuba sithelele uNkulunkulu izithelo.

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

1 AbaseKhorinte 15:20

Kodwake uKristu wavuswa isibili kwabafileyo, waba yingqabutho yabafileyo.

AbaseGalathiya 3:27

Lonke elabhaphathizelwa kuKristu lambethe uKristu.

Abase-Efesu 2:8

Ngoba lisilisiwe ngomusa ngokukholwa; lalokhu kakuveli kini, kuyisiphiwo sikaNkulunkulu.

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

Abase-Efesu 3:7

Mina ngenziwa isikhonzi salo ivangeli ngokwesipho somusa kaNkulunkulu engiwuphiwe ngokusebenza kwamandla akhe.

Abase-Efesu 4:5

yinye iNkosi, kunye ukukholwa, lunye ubhaphathizo;

Abase-Efesu 5:14

Ngakhoke kuthiwa: Phaphama wena oleleyo, uvuke kwabafileyo, uKristu uzakukukhanyisela.

AbaseFiliphi 1:29

Ngoba ngenxa kaKristu lina labelwa, kangitsho ukukholwa kuphela, kodwa lokuhlupheka ngenxa yakhe,

AbaseKholose 1:29

Ngitshikatshikela khona lokho, ngizama ngamandla wonke kaKristu asebenza ngawo kimi.

AbaseKholose 2:13

Lanike, lanxa belifile ngeziphambeko langokungasoki kwenyama yenu, uNkulunkulu ulenze laba ngabaphilayo kanye loKristu. Usithethelele iziphambeko zethu zonke;

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

AmaHebheru 6:2

asingafundisi futhi ngobhaphathizo langokubeka izandla, lokuvuka kwabafileyo, lokulahlwa okungapheliyo.

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,