AbaseKholose 1:23 - iBhayibhili Elingcwele 1978

²³ uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

IBhayibhili Elingcwele LesiNdebele

²³ Nxa liqhubeka ngokukholwa kwenu ligxile njalo liqinile, lingasuki ethembeni eliliphiwa ngevangeli. Leli yilo ivangeli elalizwayo eselitshunyayelwe kuzozonke izidalwa ngaphansi kwezulu, mina Phawuli esengibe yinceku yalo.

AbaseKholose 1:23 Mawu Ofanana

AmaHubo 125:5

Kodwa labo abaphambukela ezindleleni zabo ezitshekileyo iNkosi kayibajezise kanye labenza okubi!

Izililo 3:66

Uxotshane labo ekuthukutheleni kwakho, ubabhubhise, bangabe besaba khona ngaphansi kwezulu lakho, Nkosi.

UHezekhiyeli 18:26

Lapho umuntu olungileyo ephambuka ekulungeni kwakhe, enze okubi, uzakufa ngenxa yakho; yebo, ngenxa yobubi abenzileyo uzakufa.

UZefaniya 1:6

labangidelileyo abangangidingiyo, bangabuzi kimi.

UMakho 16:15

Wathi kubo: Hambani liye emhlabeni wonke, litshumayele ivangeli kukho konke okudatshuliweyo.

ULukha 22:32

kodwa mina ngikukhulekele ukuba ukukholwa kwakho kungapheli; wenake, nxa usuphendukile, uqinise abazalwane bakho.

ULukha 6:48

Ufana lomuntu owathi esakha indlu yakhe, wemba watshonisa, wabeka isisekelo phezu kwedwala. Ekufikeni kwempophoma umfula watshaya kuleyondlu, kodwa wawungelamandla okuyinyikinya, ngoba yayakhiwe kuhle.

UJohane 15:6

Uba umuntu engahlali kimi, ulahlwa njengogatsha olubunileyo; bazibuthe, baziphose emlilweni, zitshe.

Imisebenzi 1:17

ngoba wayebalwe kanye lathi, wanikwa isabelo sakhe kulinkonzo.

Imisebenzi 1:25

ukuba athathe isikhundla kulinkonzo lobuphostoli uJudasi asitshiya waya endaweni yakhe.

Imisebenzi 1:8

kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

Imisebenzi 2:5

Kwakuhlala eJerusalema abaJuda, amadoda akholwayo evela kuzo zonke izizwe ezingaphansi kwezulu;

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

Imisebenzi 26:16

Kodwa sukuma, ume ngenyawo zakho; ngoba ngibonakelele lokho kuwe ukuba ngikumise ukuba ube yisikhonzi lofakazi walezozinto ozibonileyo losezakuzibona ngami,

Imisebenzi 4:12

Kakukho ukusiliswa ngomunye, ngoba kalikho elinye ibizo ngaphansi kwezulu elinikiweyo ebantwini, esingasiliswa ngalo.

AbaseRoma 10:18

Kodwa ngithi: Kabezwanga na? Impela, bezwa. Ngoba kuthiwa: Ilizwi labo liphumele emhlabeni wonke, lamazwi abo aphumele emikhawulweni yomhlaba.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AbaseRoma 5:5

Ithemba kalidanisi, ngoba uthando lukaNkulunkulu lutheliwe enhliziyweni zethu ngoMoya oNgcwele esimuphiweyo.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

1 AbaseKhorinte 3:5

Kanti uApolosi uyini, loPawuli uyini na? Bayizisebenzi elakholwa ngazo; kwaba yilowo lalowo njengokunikwa kwakhe yiNkosi.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

2 AbaseKhorinte 11:23

Bayizikhonzi zikaKristu na? Ngikhulumisa okohlanya, ngiyiso kakhulu mina kulabo bonke. Ngoba ngibe sekusebenzeni nzima kulabo, ngibe sekubotshweni kanengi kulabo, ngibe sekutshayweni okukhulu, ngaba sengozini zokufa ngezikhathi ezinengi.

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

2 AbaseKhorinte 4:1

Ngakhoke, lokhu siyinikiwe linkonzo ngobubele bukaNkulunkulu, kasidinwa.

2 AbaseKhorinte 6:1

Thina esisebenza kanye laye siyalincenga ukuba lingawamukeli ngeze umusa kaNkulunkulu.

AbaseGalathiya 4:11

Ngilovalo ngani ukuthi mhlawumbe ngisebenzele ize ngenxa yenu.

AbaseGalathiya 5:5

Ngoba thina ngaye uMoya silindele ngokukholwa ithemba lokulunga.

AbaseGalathiya 5:7

Beligijima kuhle; livinjelwe ngubani ukuba lingalaleli iqiniso na?

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

Abase-Efesu 2:21

okuhlanganiselwe kuye isakhiwo sonke, sikhule sibe lithempeli elingcwele eNkosini.

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

Abase-Efesu 4:16

Yena uyinhloko okuhlanganiselwa kuyo umzimba wonke, ubambane ngamalunga wonke awo, ukhule umzimba nxa ileso laleso isitho sisebenza kuhle, uzakhe ngothando.

UDutheronomi 2:25

Kusukela lamhla ngizakwenza abantu bonke abangaphansi komthunzi welanga batshaywe luvalo, balesabe, lokuthi lapho besizwa ngani bathuthumele, baqhaqhazele ngenxa yenu.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.

AbaseKholose 1:25

Ngenziwa isikhonzi salo ngokwesimiso sikaNkulunkulu enganikwa sona ngenxa yenu ukuze ngilazise ilizwi likaNkulunkulu ngokupheleleyo,

AbaseKholose 2:7

ligxilile, lakhiwe kuye, liqiniswe ekukholweni njengokufundiswa kwenu, lande ekubongeni.

1 AbaseThesalonika 3:3

ukuba kungawiswa lamunye wenu ngalezizinhlupheko; ngoba liyazi lina simiselwe lokhu.

1 AbaseThesalonika 3:5

Ngenxa yalokhu, ngingaselamandla okubekezela, ngathumela ukuba ngazi ukukholwa kwenu, ngoba ngesaba ukuthi mhlawumbe umlingi ulilingile, lokuthi umsebenzi wethu ube yize.

1 AbaseThesalonika 5:8

kodwa thina esingabemini asiqonde, sifake isivikelo sesifuba sokukholwa lothando, ithemba lokusiliswa libe yingowane yethu.

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

1 uTimothi 1:12

Ngiyambonga owanginika amandla uKristu Jesu iNkosi yethu; ngoba wangibona ngithembekile, wangimisa enkonzweni yakhe,

1 uTimothi 2:7

Ngamiselwa khona mina ukuba ngibe ngumtshumayeli lomphostoli; ngikhuluma iqiniso, kangiqambi manga; yebo, ngibe ngumfundisi wabezizwe ekukholweni laseqinisweni.

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

UThithu 3:7

ukuze silungisiswe ngomusa wakhe, sibe yizindlalifa zokuphila okungapheliyo ngokuthemba.

AmaHebheru 10:38

olungileyo wami uzakuphila ngokukholwa; kodwa uba ehlehlela emuva, umphefumulo wami kawulakuthokoza ngaye.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

AmaHebheru 4:14

Ngakhoke lokhu silompristi omkhulu kakhulu odlule emazulwini, uJesu iNdodana kaNkulunkulu, asibambelele kuso isivumo sethu.

AmaHebheru 6:19

Lelothemba silalo njengesikhonkwane esiqinileyo somphefumulo, ligxilile, lingena endaweni engcwele engemva kweveli,

1 UPhethro 1:3

Kabongwe uNkulunkulu uYise weNkosi yethu uJesu Kristu, owasizala kutsha ngesihawu sakhe esikhulu ukuba sibe lethemba eliphilileyo ngokuvuka kukaJesu Kristu kwabafileyo,

1 UPhethro 1:5

lina elilondolozwe ngamandla kaNkulunkulu ngokukholwa ukuba libe lokusiliswa okulungiselwe ukwambulwa ngesikhathi sokucina.

1 UJohane 2:27

Kodwa linake, ukugcotshwa elakwamukela kuye kuhlala kini, kalisweli muntu ukuba alifundise. Lokugcoba kwakhe kuyalifundisa ngakho konke, futhi kuqinisile, kakuqambi manga; njengoba lifundile, hlalani kuye.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.