AbaseKholose 1:13 - iBhayibhili Elingcwele 1978

¹³ Wasikhulula emandleni omnyama, wasisa embusweni weNdodana yakhe ethandekayo,

IBhayibhili Elingcwele LesiNdebele

¹³ Ngoba wasihlenga embusweni wobumnyama wasiletha embusweni weNdodana yakhe ayithandayo,

AbaseKholose 1:13 Mawu Ofanana

U-Isaya 42:1

INkosi ithi: Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile umoya wami phezu kwakhe, ukuze alethele izizwe ukulunga.

U-Isaya 53:12

Ngakhoke ngizayabela kanye labakhulu, yahlukaniselane impango labalamandla; ngoba yazinikela ekufeni, yabalwa kanye lezoni; yathwala izono zabanengi, yakhulekela izoni.

U-Isaya 60:2

Khangela, umnyama uyasibekela umhlaba, lomnyama omkhulu usibekele izizwe; kodwa iNkosi izakhanya phezu kwakho, lenkazimulo yayo ibonakale phezu kwakho.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

UMatewu 3:17

Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

ULukha 13:24

Zamani ukungena ngomnyango omncinyane; ngoba ngithi kini: Abanengi bazakufuna ukungena, behluleke.

ULukha 22:53

Bengilani insuku ngensuku ethempelini, kalingibambanga; kodwa lesi yisikhathi senu lesamandla omnyama.

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

UJohane 3:35

UYise uyayithanda iNdodana, unikele izinto zonke esandleni sayo.

UJohane 5:24

Ngiqinisile, ngiqinisile ngithi kini: Olizwayo ilizwi lami, akholwe kuye ongithumileyo, ulokuphila okungapheliyo; kangeni ekwahlulelweni, kodwa usephumile ekufeni, wangena ekuphileni.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

2 AbaseKhorinte 11:14

Kakumangalisi lokhu, ngoba uSathane uqobo uzitshaya isithunywa sokukhanya.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

Abase-Efesu 1:6

ukuze adunyiswe ngomusa wakhe omangalisayo asiphe wona ngesihle ngaye oThandiweyo.

Abase-Efesu 4:18

Kumnyama engqondweni yabo, behlukene lokuphila kukaNkulunkulu ngenxa yokungazi kwabo, langenxa yobulukhuni benhliziyo yabo.

Abase-Efesu 5:5

Yazini lokhu, likuqedisise ukuthi oyisifebe, longcolileyo lolomhawu, okutsho lowo okhonza izithombe, kalalifa embusweni kaKristu lokaNkulunkulu.

Abase-Efesu 5:8

Ngoba lalingumnyama, kodwa khathesi liyikukhanya eNkosini. Hambani njengabantwana bokukhanya,

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

1 AbaseThesalonika 2:12

sililaya, silimisa isibindi, silitshela ukuba lihambe ngokufaneleyo phambi kukaNkulunkulu olibizela embusweni lebukhosini bakhe.

AmaHebheru 2:14

Ngakhoke njengoba abantwana behlanganyela inyama legazi, laye uqobo wahlanganyela khona lokho, ukuze ngokufa amchithe yena obelamandla okufa onguSathane,

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

2 UPhethro 1:11

Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.

1 UJohane 2:8

Kanti ngililobela umlayo omutsha, wona uliqiniso kuye lakini; ngoba umnyama uyadlula, lokukhanya kweqiniso sekukhanya.

1 UJohane 3:14

Siyazi ukuthi sesidlule ekufeni, sangena ekuphileni ngoba siyabathanda abazalwane. Ongathandiyo uhlezi ekufeni.

1 UJohane 3:8

owenza isono ungokaSathane; ngoba uSathane wona kusukela ekuqaleni. Ngenxa yalokhu iNdodana kaNkulunkulu yafika ukuze ichithe imisebenzi kaSathane.