AbaseGalathiya 6:9 - iBhayibhili Elingcwele 1978

⁹ Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

IBhayibhili Elingcwele LesiNdebele

⁹ Kasingadinwa yikwenza okuhle ngoba ngesikhathi esifaneleyo sizavuna isivuno nxa singadeli.

AbaseGalathiya 6:9 Mawu Ofanana

UGenesisi 29:7

Wasesithi: Khangelani, kusesemini, kasiso isikhathi sokubuthanisa izinkomo; nathisani izimvu, lizise emadlelweni.

AmaHubo 104:27

Zonke lezizidalwa zikhangele kuwe, ukuba uzinike ukudla ngesikhathi esifaneleyo.

AmaHubo 126:5

Abahlanyela bekhala bazavuna ngokuthokoza.

AmaHubo 145:15

Amehlo abo bonke akhangele kuwe, uyabanika ukudla kwabo ngesikhathi esifaneleyo.

Izaga 11:18

Omubi uzuza umvuzo oyinkohliso, kodwa ohlanyela ukulunga uzazuza umvuzo weqiniso.

UmTshumayeli 11:1

Thengisa amabele akho ngaphetsheya kolwandle ukuba ube lenzuzo ngemva kwesikhathi.

UJeremiya 45:3

Uthi wena: Maye mina! ngoba iNkosi yengezelela usizi ebuhlungwini bami, sengikhathele yikukhala, kangifumani ukuphumula.

ULevi 26:4

ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

UZefaniya 3:16

Ngalolosuku kuzakuthiwa eJerusalema: Ungesabi, wena Ziyone; kazingadinwa izandla zakho.

UMalaki 1:13

Lichila amakhala, kutsho iNkosi yamabandla, beselisithi: Yeka ukudinisa kwalokhu! Liletha okwebiweyo, lokuqhulayo, lokugulayo, kube ngumnikelo wenu. Ngizakwamukela lokho kini na? kutsho iNkosi.

UMatewu 10:22

Lizakuzondwa yibo bonke ngenxa yebizo lami; kodwa ophikelelayo kuze kube sekupheleni nguye ozakusiliswa.

UMatewu 24:13

Kodwa ophikelelayo kuze kube sekupheleni nguye ozakusiliswa.

UMatewu 25:17

Ngokunjalo eyayamukele amadola angamakhulu amabili yazuza amanye amakhulu amabili.

UMatewu 9:19

Wasukuma uJesu, wamlandela kanye labafundi bakhe.

UMakho 3:3

Wathi kumuntu olesandla esitshwabheneyo: Sukuma, ume phakathi.

ULukha 18:1

Wabatshela umfanekiso wokuthi bafanele ukukhuleka, bengadinwa.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

2 AbaseKhorinte 4:1

Ngakhoke, lokhu siyinikiwe linkonzo ngobubele bukaNkulunkulu, kasidinwa.

2 AbaseKhorinte 4:16

Ngakhoke kasidinwa. Loba umuntu wethu wangaphandle ebhubha, umuntu wethu wangaphakathi wenziwa abe mutsha insuku zonke.

2 AbaseKhorinte 9:6

Khumbulani ukuthi ohlanyela ingcosana uzakuvuna ingcosana, lohlanyela kakhulu uzakuvuna kakhulu.

Abase-Efesu 3:13

Ngakhoke ngiyalicela ukuba lingalahli ithemba ngenxa yezinhlupheko zami ngenxa yenu; ziludumo lwenu.

UDutheronomi 11:14

izakulinika ilizwe lakini izulu ngesikhathi salo, izulu elokuqala lelokucina, ukuba livune amabele enu lewayini lenu lamafutha enu.

2 AbaseThesalonika 3:13

Bazalwane, lingadinwa yikwenza okuhle.

AmaHebheru 12:3

Mqapheliseni yena owakhuthazela ephikwa kangaka yizoni, ukuze lingadinwa, liphelelwe ngamandla enhliziyweni.

AmaHebheru 12:5

Selikhohliwe yini umlayo okhuluma kini njengasebantwaneni owokuthi:

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

UJakhobe 5:7

Bazalwane, bekezelani ize ifike iNkosi. Khangelani, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.

1 UPhethro 2:15

ngoba kuyintando kaNkulunkulu ukuba ngokwenza okuhle liqede ukungazi kwezithutha.

1 UPhethro 3:17

Ngoba kuhle ukuhlupheka ngenxa yokwenza okuhle, uba lokho kuyintando kaNkulunkulu, kulokuhlupheka ngenxa yokwenza okubi.

1 UPhethro 4:19

Ngakho labo abahluphekayo ngokwentando kaNkulunkulu kababeke imiphefumulo yabo kuMdali othembekileyo, bahlale besenza okulungileyo.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 2:3

Ulokubekezela; waqinisela ngenxa yebizo lami, kawudinwanga.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.