AbaseGalathiya 4:19 - iBhayibhili Elingcwele 1978

¹⁹ Bantwana bami, ngilomhelo futhi ngani, uKristu aze abunjwe phakathi kwenu.

IBhayibhili Elingcwele LesiNdebele

¹⁹ Bantwabami abathandekayo, lina engilomhelo ngani futhi uKhristu aze abunjwe phakathi kwenu,

AbaseGalathiya 4:19 Mawu Ofanana

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

ULukha 22:44

Esosizini olunzima wakhuleka kakhulu, izithukuthuku zakhe zaba njengamathonsi egazi, athontela emhlabathini.

AbaseRoma 13:14

Kodwa yambathani iNkosi uJesu Kristu; lingananzeleli ngokusuthisa inkanuko zomzimba.

AbaseRoma 8:29

Ngoba labo uNkulunkulu abazi ngaphambili, wabamisa ngaphambili ukuba bafane lesimo seNdodana yakhe, ukuze yona ibe lizibulo phakathi kwabazalwane abanengi;

2 AbaseKhorinte 12:14

Sengilungele ukuza kini ngokwesithathu; kangizukuba ngumthwalo kini, ngoba kangifuni okwenu, ngifuna lina. Ngoba abantwana kabafanele ukudlinzekela abazali, kodwa abazali bafanele ukudlinzekela abantwana.

Abase-Efesu 4:13

size sifinyelele sonke ebunyeni bokukholwa lasekwazini iNdodana kaNkulunkulu, lasebuntwini obupheleleyo obulinganiswe ngesimo esigcweleyo sikaKristu.

Abase-Efesu 4:24

Lambathe isimo esitsha esifuze uNkulunkulu esibonakala ekulungeni lasebungcweleni beqiniso.

AbaseFiliphi 1:8

Ngoba uNkulunkulu ungufakazi wami wokuthi ngiyalilangatha kangakanani lonke ngothando lukaKristu Jesu uqobo.

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

AbaseFiliphi 2:5

Kawube kini lowomqondo owawukhona kuKristu Jesu,

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

AbaseKholose 2:1

Ngoba ngithanda ukuba lazi ukuthi ngilizamela ngokungakanani lina kanye labaseLawodikeya, labo bonke abangakaze bangibone.

AbaseKholose 3:10

selambethe omutsha owenziwa kutsha ekwazini ukuze afuze lowo owamenzayo.

AbaseKholose 4:12

Uyalibingelela uEpafra omunye wakini, inceku kaKristu Jesu; uyalikhulekela kakhulu ngezikhathi zonke ukuba lime liphelele liqine entandweni yonke kaNkulunkulu.

1 AbaseThesalonika 2:7

loba sasingaba lamandla okulufuna njengoba singabaphostoli bakaKristu. Kodwa saba mnene phakathi kwenu njengomdlezane esondla abantwana bakhe.

1 uTimothi 1:2

ngithi kuTimothi umntanami weqiniso ekukholweni: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.

UThithu 1:4

Ngithi kuTitosi umntanami impela ngokukholwa esikuhlanganyele sonke: Kakube kuwe umusa lokuthula okuvela kuNkulunkulu uBaba lakuKristu Jesu uMsilisi wethu.

UFilimoni 1:10

Ngiyakuncenga ngomntanami engimzeleyo ekubotshweni kwami, uOnesimo;

UFilimoni 1:19

Mina Pawuli ngiyakuloba ngesandla sami ngithi ngizakukuhlawula, ngingakuphathike ukuthi lawe ulomlandu kimi onguwe uqobo.

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.

UJakhobe 1:18

Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe.

1 UJohane 2:1

Bantwana bami, ngililobela lokhu ukuba lingoni; kodwa uba umuntu esona, siloMmeli kuBaba, uJesu Kristu olungileyo.

1 UJohane 2:12

Ngiyalilobela bantwana, ngoba izono zenu zithethelelwe ngenxa yakhe.

1 UJohane 5:21

Bantwana, zilondolozeni ezithombeni.

3 UJohane 1:4

Kakukho okungangithokozisa ukwedlula lokho ukuthi ngizwe ukuba abantwana bami bahamba eqinisweni.