AbaseGalathiya 3:14 - iBhayibhili Elingcwele 1978

¹⁴ Wakwenza lokhu ukuba ngoKristu Jesu isibusiso sikaAbrahama sifike phezu kwabezizwe, ukuba samukele isithembiso sikaMoya ngokukholwa.

IBhayibhili Elingcwele LesiNdebele

¹⁴ Wasihlenga ukuze isibusiso esaphiwa u-Abhrahama sifike kwabeZizweni ngoKhristu uJesu, ukuze samukele isithembiso sikaMoya ngokukholwa.

AbaseGalathiya 3:14 Mawu Ofanana

UGenesisi 22:18

langenzalo yakho zonke izizwe zomhlaba zizabusiswa, ngoba ulalele ilizwi lami.

U-Isaya 32:15

umoya uze uthelwe phezu kwethu uvela phezulu. Inkangala izakuba yindawo evundileyo, lendawo evundileyo ibe lihlathi.

U-Isaya 41:8

Kodwa wena Israyeli, nceku yami, wena Jakobe engikukhethileyo, nzalo kaAbrahama umngane wami,

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 52:10

INkosi iwavezile amandla ayo angcwele phambi kwazo zonke izizwe, umhlaba wonke uzakubona ukukhulula kukaNkulunkulu wethu.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UJeremiya 32:40

Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.

UHezekhiyeli 11:19

Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

UHezekhiyeli 39:29

Kangisayikubafihlela ubuso bami nxa sengithela umoya wami phezu kukaIsrayeli, kutsho iNkosi uNkulunkulu.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

ULukha 11:13

Ngakhoke uba lina elingababi likwazi ukubapha abantwana benu iziphiwo ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

ULukha 24:49

Khangelani, ngiyathumela kini isithembiso sikaBaba; kodwa hlalani emzini, lize lambathiswe amandla avela phezulu.

UJohane 7:39

Lokhu wakutsho ngoMoya ababezamamukela abakholwa kuye, ngoba uMoya wayengakanikwa, lokhu uJesu wayengakadunyiswa.

Imisebenzi 2:33

Ngakhoke ephakanyiselwe ngakwesokunene sikaNkulunkulu, esamukele kuYise isithembiso sikaMoya oNgcwele, uthelile lokhu elikubonayo lelikuzwayo.

Imisebenzi 4:12

Kakukho ukusiliswa ngomunye, ngoba kalikho elinye ibizo ngaphansi kwezulu elinikiweyo ebantwini, esingasiliswa ngalo.

Imisebenzi 5:32

Thina singofakazi balezizinto kanye loMoya oNgcwele uNkulunkulu amnike labo abamlalelayo.

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

2 AbaseKhorinte 1:22

owabeka uphawu lwakhe kithi, wasinika uMoya wakhe enhliziyweni zethu ukuba yisibambiso.

AbaseGalathiya 3:16

Izithembiso zanikwa uAbrahama lenzalo yakhe. Kakutshiwo ukuthi: Ezinzalweni, ngokungathi zinengi; kodwa kungathi yinye kuthiwa: Lasenzalweni yakho; enguKristu.

AbaseGalathiya 3:2

Yilokhu kuphela engithanda ukukubuza kini ukuthi: Lamukela uMoya ngemisebenzi yomlayo loba ngokuzwa langokukholwa na?

AbaseGalathiya 4:6

Lokhu lingamadodana uNkulunkulu wathumela uMoya weNdodana yakhe enhliziyweni zenu, ememeza esithi: Aba, Baba!

Abase-Efesu 2:18

Ngoba ngaye silokungena sonke ngoMoya munye kuYise.

Abase-Efesu 2:22

Lina kanye labanye liyakhiwa kuye, ukuba libe yindlu kaNkulunkulu azakuhlala kuyo uMoya.

Abase-Efesu 3:16

ukuba ngokwenotho yobukhosi bakhe liqiniswe ngamandla ngoMoya wakhe enhliziyweni;

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UPhethro 3:9

lingaphindiseli okubi ngokubi lokuthuka ngokuthuka, kodwa ikakhulu busisani, ngoba labizelwa khona lokho ukuba lidle ilifa lokubusiswa.