AbaseGalathiya 3:11 - iBhayibhili Elingcwele 1978

¹¹ Kusobala ukuthi ngomlayo kakulamuntu ongalungisiswa phambi kukaNkulunkulu; ngoba kuthiwa: Lowo olungileyo ngenxa yokukholwa uzakuphila.

IBhayibhili Elingcwele LesiNdebele

¹¹ Kusobala ukuthi akakho olungisiswa ngomthetho phambi kukaNkulunkulu ngoba, “Abalungileyo bazaphila ngokukholwa.”

AbaseGalathiya 3:11 Mawu Ofanana

1 AmaKhosi 8:46

Uba besona kuwe, ngoba kakulamuntu ongoniyo, ubusubathukuthelela, ubanikele esitheni, ukuze bathunjelwe elizweni lezitha zabo, khatshana ingabe eduze,

UJobe 40:4

Khangela, kangisilutho lwalutho, ngingakuphendula ngithini na? Ngibamba umlomo wami ngesandla sami.

UJobe 42:6

Ngakhoke sengizisola, ngiyaphenduka ngihlale othulini lasemlotheni.

UJobe 9:3

Uba umuntu efisa ukuphikisana laye, uNkulunkulu kayikuphendula lowodwa emibuzweni eyinkulungwane.

AmaHubo 143:2

Ungayahluleli inceku yakho, ngoba phambi kwakho kakho loyedwa olungileyo.

AmaHubo 19:12

Kodwa ngubani owazi iziphosiso zakhe na? Ngithethelela, Nkosi, kwezisithekileyo.

UmTshumayeli 7:20

Isibili kakulamuntu olungileyo emhlabeni owenza okuhle kokuphela engoni.

U-Isaya 53:6

Thina sonke siduhile njengezimvu; lowo lalowo wahamba ngendlela yakhe; iNkosi yehlisela phezu kwayo ububi bethu sonke.

U-Isaya 6:5

Ngasengisithi: Maye mina, ngafa! Ngoba ngingumuntu olendebe ezingcolileyo, futhi ngihlala phakathi kwabantu abalendebe ezingcolileyo; amehlo ami abonile iNkosi, iNkosi yamabandla.

U-Isaya 64:6

Sonke sesinjengomuntu ongcolileyo, lezenzo zethu ezilungileyo zinjengengubo engeolileyo. Sonke siyabuna njengehlamvu, lobubi bethu buyasiphephula njengomoya.

UHabhakhukhi 2:4

Khangela, lowo ongelabuqotho uzakwehluleka, kodwa olungileyo uzakuphila ngokukholwa kwakhe.

AbaseRoma 1:17

Ngoba ukulunga kukaNkulunkulu kwambulwa kilo, kuqala ngokukholwa, kuphele ngokukholwa; njengokulotshiweyo ukuthi: Olungileyo uzakuphila ngokukholwa.

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

AmaHebheru 10:38

olungileyo wami uzakuphila ngokukholwa; kodwa uba ehlehlela emuva, umphefumulo wami kawulakuthokoza ngaye.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.

UJakhobe 3:2

Ngoba sonke siyakhubeka ngokunengi. Uba umuntu engakhubeki ekukhulumeni kwakhe, lowo ungumuntu opheleleyo, olamandla okubamba lomzimba wonke.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;