AbaseGalathiya 2:9 - iBhayibhili Elingcwele 1978

⁹ Ngakhoke, bathi ukubona umusa engiwuphiweyo, oJakobe loKefasi loJohane abadume ngokuthi zinsika zebandla, banika mina loBarnabasi isandla sokunene sobudlelwano ukuba thina siye kwabezizwe, bona baye kubaJuda.

IBhayibhili Elingcwele LesiNdebele

⁹ UJakhobe, loKhefasi kanye loJohane, abadume njengensika, banika mina loBhanabhasi ilungelo lokuhlanganyela labo lapho sebebone umusa engawuphiwayo. Bavuma ukuthi siye kwabeZizweni, bona baye kwabasokiweyo.

AbaseGalathiya 2:9 Mawu Ofanana

2 AmaKhosi 10:15

Esesukile lapho wahlangana loJehonadabi indodana kaRekabi owayemhlangabeza; wambingelela wathi kuye: Uyangisekela yini njengoba mina ngikusekela na? UJehonadabi waphendula wathi: Yebo, ngiyakusekela. UJehu wasesithi: Uba kunjalo, xhawula. Wasemxhawula. UJehu wasemkhweza enqoleni yakhe,

UMatewu 16:18

Lamike ngithi kuwe: Wena unguPetro okuyikuthi Dwala; phezu kwalelidwala ngizakulakha ibandla lami; amasango endawo yabafileyo kawayikulahlula.

ULukha 22:8

UJesu wathuma uPetro loJohane, esithi: Hambani liye ukusilungisela iPhasika ukuba sidle.

UJohane 1:42

Yena wamletha kuJesu; uJesu emkhangela wathi: Wena unguSimoni indodana kaJohane; uzakuthiwa nguKefasi, okuyikuthi uPetro, okutsho idwala.

Imisebenzi 12:17

Wasebaqhweba ngesandla ukuba bathule, wabalandisela ukuba iNkosi imkhuphe kanjani entolongweni. Wasesithi: Bikelani uJakobe labazalwane. Wasuka waya kwenye indawo.

Imisebenzi 15:13

Sebeqedile ukukhuluma, uJakobe wathi: Bazalwane, ngilalelani.

Imisebenzi 15:7

Kwathi sebephikisene kakhulu, wasukuma uPetro wathi kubo: Bazalwane, liyazi ukuthi ensukwini zokuqala uNkulunkulu wangikhetha phakathi kwenu ukuba ngomlomo wami abezizwe, balizwe ilizwi levangeli, bakholwe.

Imisebenzi 4:36

Kwathi uJosefa owabizwa ngabaphostoli ngokuthi nguBarnabasi, okuyikuthi indodana yokududuza, umLevi waseKuprosi ngokuzalwa,

AbaseRoma 1:5

Samukela ngaye umusa lobuphostoli ukuba kube khona ukulalela kokukholwa ezizweni zonke ngenxa yebizo lakhe,

AbaseRoma 12:3

Ngomusa engiwuphiweyo ngitsho kulowo lalowo wenu ukuba angacabangi ukuthi mkhulu kulalokho afanele ukucabanga khona, kodwa acabange ngokuqonda, njengalokhu uNkulunkulu abele ilowo lalowo isilinganiso sokukholwa.

AbaseRoma 15:15

Kodwa ngililobele ngesibindi ukulikhumbuza ngezinto ezinye ngenxa yomusa engiwuphiweyo nguNkulunkulu,

1 AbaseKhorinte 15:10

Kodwa ngomusa kaNkulunkulu ngiyikho lokho engiyikho khona, umusa wakhe kimi kawubanga yize; isibili, ngisebenze kakhulu kulabo bonke; kanti kasimi engasebenzayo, kodwa ngumusa kaNkulunkulu okimi.

2 AbaseKhorinte 11:5

Ngithi kangisileli ngalutho kulabo abaphostoli abakhulu.

2 AbaseKhorinte 12:11

Sengize ngaba yisithutha, kodwa yini elingicindezele kukho. Bekufanele ukuba ngivezwe yini. Ngoba kangisilele ngalutho kulabo abaphostoli abakhulu, loba ngingesilutho lwalutho.

2 AbaseKhorinte 8:4

asicela kakhulu ukuba anikwe ithuba lokuhlanganyela lathi ekusizeni abangcwele.

AbaseGalathiya 1:16

ukuba ayambule iNdodana yakhe kimi, ukuze ngiyitshumayele phakathi kwabezizwe. Khona lapho kangibuzanga emuntwini,

AbaseGalathiya 1:18

Kwathi emva kweminyaka emithathu ngaya eJerusalema ukubonana loKefasi; ngahlala laye insuku ezilitshumi lanhlanu.

AbaseGalathiya 2:1

Kwathi emva kweminyaka elitshumi lane ngaya futhi eJerusalema kanye loBarnabasi, ngathatha loTitosi futhi.

AbaseGalathiya 2:2

Ngaya khona ngoba ngambulelwa nguNkulunkulu ukuba ngiye khona. Ngabalandisela ngevangeli engilitshumayela phakathi kwabezizwe, kodwa ngakwenza lokhu phambi kwabadumileyo bebodwa, funa mhlawumbe kungaba yikuthi ngigijimela ize, loba sengagijimela ize.

AbaseGalathiya 6:3

Ngoba uba umuntu ezitshaya ulutho, yena engasilutho, uyazikhohlisa.

Abase-Efesu 2:20

Lakhiwe phezu kwesisekelo sabaphostoli labaprofethi, uKristu uqobo lwakhe uyilitshe lengonsi,

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

AbaseKholose 1:29

Ngitshikatshikela khona lokho, ngizama ngamandla wonke kaKristu asebenza ngawo kimi.

1 uTimothi 3:15

uba ngibambeka, wazi ukuthi abantu bafanele ukuziphatha kanjani endlini kaNkulunkulu, elibandla likaNkulunkulu ophilayo, insika lesisekelo seqiniso.

1 UJohane 1:3

Lokho esikubonileyo sakuzwa, silitshumayeza khona lani, ukuze lani libe lokuhlanganyela lathi; thina silokuhlanganyela loBaba kanye leNdodana yakhe uJesu Kristu.

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.