AbaseGalathiya 2:14 - iBhayibhili Elingcwele 1978

¹⁴ Kodwa kuthe sengibonile ukuba kabahambi ngokweqiniso levangeli, ngathi kuKefasi phambi kwabo bonke: Uba wena ungumJuda, uhamba ngokwabezizwe ungahambi ngokwabaJuda, ungabacindezela kanjani abezizwe ukuba bahambe ngokwabaJuda na?

IBhayibhili Elingcwele LesiNdebele

¹⁴ Kwathi lapho ngibona ukuba babengenzi okuhambelana leqiniso levangeli, ngathi kuKhefasi phambi kwabo bonke, “Wena ungumJuda kodwa uphila njengoweZizweni hatshi njengomJuda. Pho kwenzeka njani ukuba ubambe ngamandla abeZizweni ukuba balandele imikhuba yamaJuda na?

AbaseGalathiya 2:14 Mawu Ofanana

AmaHubo 141:5

Olungileyo kangitshaye, kuzakuba ngumusa kimi; kodwa ikhanda lami kaliyikugcotshwa ngamagcobo ababi. Umkhuleko wami umelana lezenzo zabo ezimbi.

AmaHubo 15:2

Yilowo ohamba ngobuqotho lowenza okulungileyo, okhuluma iqiniso enhliziyweni yakhe,

AmaHubo 58:1

Imbala liyahlulela ngokulungileyo lina bakhulu na? Liyabahlulela abantu ngeqiniso na?

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

Izaga 10:9

Ohamba ngobuqotho uhamba evikelekile, kodwa ohlanekela indlela zakhe uzakuwa.

Izaga 2:7

Iyagcinela abaqotho amandla, iyisihlangu kubo abahamba ngeqiniso;

ULevi 19:17

Lingazondi umfowenu enhliziyweni zenu; khuzani umakhelwane wenu, kodwa lingabi lasono ngenxa yakhe.

Imisebenzi 10:28

Wathi kubo: Liyazi ukuba kakuvunyelwa ukuba umuntu ongumJuda ahlangane, ahambelane lomuntu wesinye isizwe; kodwa uNkulunkulu ungitshengisile ukuthi ngingatsho ukuba omunye umuntu mubi ingabe ungcolile.

Imisebenzi 15:1

Kwehla amadoda athile evela eJudiya, afundisa abazalwane athi: Uba lingasokwa ngomlayo kaMose, lingesiliswe.

Imisebenzi 15:24

Njengokuba sizwile ukuthi abantu abathile abavela kithi balikhathazile ngamazwi, bedunga ingqondo zenu ngesingabalayanga khona,

Imisebenzi 15:5

Kodwa abanye abakholwayo abangabehlelo labaFarisi basukuma, bathi: Kufanele ukuba basokwe, balaywe ukugcina umlayo kaMose.

AbaseRoma 14:14

Ngiyazi ngeqiniso eNkosini uJesu ukuthi kakulalutho olungcolileyo ngokwalo; kodwa kulowo othi lungcolile, kuye lungcolile.

AbaseGalathiya 1:18

Kwathi emva kweminyaka emithathu ngaya eJerusalema ukubonana loKefasi; ngahlala laye insuku ezilitshumi lanhlanu.

AbaseGalathiya 1:6

Ngiyamangala ngoba limhlamuke masinyane kangaka yena owalibizela emuseni kaKristu, liye kwelinye ivangeli;

AbaseGalathiya 2:3

Kodwa ngitsho loTitosi owayelami engumGriki kacindezelwanga ukuba asoke.

AbaseGalathiya 2:5

Kasibathobelanga ngokuzehlisela ngaphansi kwabo ngitsho okwesikhatshana nje, ukuze iqiniso levangeli lime njalo kini.

AbaseGalathiya 2:7

kodwa babona ukuthi nginikiwe ukutshumayela ivangeli kwabezizwe njengoPetro owanikwa ukutshumayela ivangeli kubaJuda.

AbaseGalathiya 2:9

Ngakhoke, bathi ukubona umusa engiwuphiweyo, oJakobe loKefasi loJohane abadume ngokuthi zinsika zebandla, banika mina loBarnabasi isandla sokunene sobudlelwano ukuba thina siye kwabezizwe, bona baye kubaJuda.

AbaseGalathiya 6:12

Bonke abafuna ukubukeka ngemizimba yibo abalicindezela ukuba lisoke, bekwenzela kuphela ukuba bangazingelwa ngenxa yesiphambano sikaKristu.

AbaseKholose 1:5

Lezizinto ezimbili zivela ethembeni elibekelwe lona ezulwini, elezwa ngalo ngaphambili ngelizwi leqiniso elilivangeli

1 uTimothi 5:20

Abonayo ubasole phambi kwabo bonke ukuze besabe labanye.

AmaHebheru 12:13

lenzele inyawo zenu indlela eziqondileyo ukuze okuqhulayo kunganyeli, kodwa kusiliswe.

AmaHebheru 9:10

Kodwa yona imayelana lokudla lokunatha lokugeza okwezinhlobonhlobo, iyizimiso ezimayelana lomzimba nje kuze kufike isikhathi sokupheleliswa kwezinto.