AbaseGalathiya 1:4 - iBhayibhili Elingcwele 1978

⁴ owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

IBhayibhili Elingcwele LesiNdebele

⁴ owazinikela ngenxa yezono zethu ukuthi asihlenge kulesisikhathi esibi, ngenxa yentando kaNkulunkulu uBaba wethu,

AbaseGalathiya 1:4 Mawu Ofanana

AmaHubo 40:8

ngiyathanda ukwenza intando yakho, Nkulunkulu wami, umlayo wakho usenhliziyweni yami.

U-Isaya 65:17

Khangela, ngiyadala izulu elitsha lomhlaba omutsha, izinto zakuqala kazisayikukhunjulwa, kazisayikuphinda zifike engqondweni.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UMatewu 26:28

ngoba lokhu kuligazi lami lesivumelwano elichithelwa abanengi ukuthethelelwa kwezono.

UMatewu 26:42

Wabuya wasuka ngokwesibili, wakhuleka wathi: Baba, uba inkezo le ingedlule kimi ngingayinathanga, kayenziwe intando yakho.

UMatewu 6:9

Ngakhoke kalibokhuleka ngokunje lithi: Baba wethu osezulwini, kalidunyiswe ibizo lakho,

UMakho 10:45

Ngoba leNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

ULukha 22:19

Wathatha isinkwa, esebongile, wasihlephuna, wabanika esithi: Lokhu kungumzimba wami, [owanikelelwa lina; yenzani lokhu ukuba lingikhumbule.

ULukha 22:42

esithi: Baba, uba uthanda, susa linkezo kimi; kodwake kungenziwa intando yami, kodwa kwenziwe eyakho.

UJohane 10:11

Mina ngingumalusi olungileyo. Umalusi olungileyo udela ukuphila kwakhe ngenxa yezimvu.

UJohane 12:31

Khathesi yikwahlulelwa kwalumhlaba; khathesi umbusi walumhlaba uzakuxotshwa.

UJohane 5:30

Mina ngingenze lutho ngokwami; ngithonisisa njengokuzwa kwami; ukuthonisisa kwami kulungile, ngoba kangifuni intando yami kodwa ngifuna intando yalowo ongithumileyo.

UJohane 6:38

Ngoba ngehlile ezulwini kungasukuba ngenze intando yami, kodwa ngenze intando yalowo ongithumileyo.

AbaseRoma 1:7

Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

AbaseRoma 4:25

owanikelwa ngenxa yeziphambeko zethu, wavuswa ngenxa yokulungisiswa kwethu.

AbaseRoma 8:27

LoNkulunkulu ohlola inhliziyo uyayazi ingqondo kaMoya, ngoba uMoya ukhulekela abangcwele ngokwentando kaNkulunkulu.

AbaseRoma 8:3

UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo,

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

1 AbaseKhorinte 15:3

Okokuqala ngalinika lokho engakwamukelayo okukuthi uKristu wafela izono zethu njengokwemibhalo,

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 6:14

Kodwa kimi kakungabi khona lakanye ukuzincoma, kuphela ngesiphambano seNkosi yethu uJesu Kristu, okubethelwe ngaso umhlaba kimi, lami kuwo umhlaba.

Abase-Efesu 1:11

KuKristu thina sabelwa ilifa, esamiselwa lona ngaphambili ngokwecebo lakhe osebenzayo ezintweni zonke ngokwentando yakhe,

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

Abase-Efesu 5:16

lisebenzise wonke amathuba, ngoba insuku zimbi.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

AbaseFiliphi 4:20

Akube udumo kuNkulunkulu onguBaba kuze kube nininini. Ameni.

1 AbaseThesalonika 1:3

sikhumbula phambi kukaNkulunkulu wethu uBaba izenzo zenu zokukholwa, lomsebenzi wenu wothando, lokuqina kwethemba lenu eNkosini uJesu Kristu.

1 AbaseThesalonika 3:11

Kungathi uNkulunkulu loBaba uqobo leNkosi yethu uJesu angayiqondisa indlela yethu yokuza kini;

1 AbaseThesalonika 3:13

ukuze iqinise inhliziyo zenu, zingabi lakusoleka ebungcweleni phambi kukaNkulunkulu uBaba ekufikeni kweNkosi uJesu kanye labantu bakhe bonke.

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

1 uTimothi 2:6

owazinikela yena abe yinhlawulo yabo bonke; lokhu kwafakazelwa ngesikhathi esifaneleyo.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 2:5

Ngoba kwakungesizo izithunywa uNkulunkulu ehlisela ngaphansi kwazo ilizwe elizayo esikhuluma ngalo.

AmaHebheru 6:5

bezwa ilizwi elihle likaNkulunkulu kanye lamandla esikhathi esizayo,

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

1 UPhethro 2:24

Yena wathwala izono zethu emzimbeni wakhe esiphambanweni, ukuze kuthi sesifile esonweni siphile ekulungeni. Lisilisiwe ngamanxeba akhe.

1 UPhethro 3:18

Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,

1 UJohane 2:2

Yena uyinhlawulo yezono zethu, kungesizo ezethu zodwa, kodwa lezomhlaba wonke.

1 UJohane 3:16

Uthando silwazi ngalokhu ukuthi uKristu wadela ukuphila kwakhe ngenxa yethu; lathi sifanele ukudela ukuphila kwethu ngenxa yabazalwane.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;

Isambulo 7:9

Emva kwalokhu ngakhangela, ngabona ixuku elikhulu elingelakubalwa muntu, elivela kuzo zonke izizwe, lakuyo yonke imihlobo, lakibo bonke abantu, lasezindimini zonke, limi phambi kwesihlalo sobukhosi laphambi kweWundlu, lambethe ingubo ezimhlophe, liphethe ingatsha zamalala ezandleni,