AbaseFiliphi 4:7 - iBhayibhili Elingcwele 1978

⁷ Ukuthula kukaNkulunkulu okudlula ukuqedisisa konke kuzakulondoloza inhliziyo zenu lemicabango yenu kuKristu Jesu.

IBhayibhili Elingcwele LesiNdebele

⁷ Ukuthula kukaNkulunkulu okudlula ukuqedisisa konke kuzabusa inhliziyo zenu lezingqondo zenu kuKhristu uJesu.

AbaseFiliphi 4:7 Mawu Ofanana

UNehemiya 8:10

UEzra wasesithi kibo: Hambani kuhle, lidle inyama enonileyo, linathe iwayini elimnandi, labelane labo izabelo bonke abangelalutho; ngoba lolusuku lungcwele eNkosini yethu, kungabi khona ukudana, ngoba ukuthokoza ngeNkosi kungamandla enu.

UJobe 22:21

Buyisana loNkulunkulu ube lokuthula, ngalokho uzazuza okuhle.

UJobe 34:29

Lapho yena ethula, ngubani ongamlahla na? Lalapho efihla ubuso bakhe, ngubani ongambona na?

AmaHubo 29:11

INkosi inika abantu bayo amandla; iNkosi ibusise abantu bayo ngokuthula.

AmaHubo 85:8

Ake ngizwe lokho uNkulunkulu iNkosi azakukukhuluma, ngoba uzakukhuluma ukuthula ebantwini bakhe, kubo abangcwele bakhe, abaphendukela kuye ngenhliziyo yabo yonke.

Izaga 2:11

Ingqondo ehlakaniphileyo izakukugcina, lokuqedisisa kukulondoloze,

Izaga 4:6

Ungakulahli ukuhlakanipha, kuzakukulondoloza; ukuthande, kuzakukulinda.

Izaga 6:22

Ekuhambeni kwakho kuzakukuhola, ekulaleni kwakho kukulondoloze, lasekuvukeni kwakho kukhulume lawe.

U-Isaya 26:12

Nkosi, uzakusenzela okuhle, ngoba layo yonke imisebenzi yethu siyenzelwe nguwe.

U-Isaya 26:3

Uyamnika ukuthula okupheleleyo lowo olengqondo ebambelele kuwe, ngoba ethemba kuwe.

U-Isaya 45:7

Yimi engenza ukukhanya, ngiveze lomnyama; yimi engiletha okuhle, ngiveze lokubi; ngiyiNkosi eyenza lezizinto zonke.

U-Isaya 48:18

Kungathi ngabe walalela imilayo yami! Ng’khona izibusiso zakho zazizakuba njengomfula ogelezayo, lokuphumelela kwakho kube njengamavinqo olwandle;

U-Isaya 48:22

INkosi ithi: Kakulakuthula lakancinyane kwababi.

UJeremiya 32:16

Sengimnikile uBaruki indodana kaNeriya incwadi yokuthenga, ngakhuleka eNkosini ngathi:

UJeremiya 33:6

Kodwa ngizawulethela ukuphila lokusiliswa; ngizabasilisa abantu bawo, ngibatshengise ukuphumelela lokulondoloza kwami okunengi.

AmaNani 6:26

INkosi iphakamise amehlo ayo ilikhangele, ilehlisele ukuthula.

ULukha 1:79

ukubakhanyisela abahlezi emnyameni lasethunzini lokufa, lokuqondisa inyawo zethu endleleni yokuthula.

ULukha 2:14

Udumo kalube kuNkulunkulu kweliphezulu, lokuthula emhlabeni ebantwini abathokozelwa nguye.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

AbaseRoma 1:7

Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

AbaseRoma 15:13

Kungathi uNkulunkulu wethemba angaligcwalisa ngentokozo yonke langokuthula konke ekukholweni kwenu, ukuze ngamandla kaMoya oNgcwele likhule ethembeni.

AbaseRoma 5:1

Ngakhoke lokhu sesilungisisiwe ngokukholwa, asibe lokuthula kuNkulunkulu ngeNkosi yethu uJesu Kristu.

AbaseRoma 8:6

Ukunakana ngokwabantu kuyikufa; kodwa ukunakana ngoMoya kuyikuphila lokuthula.

2 AbaseKhorinte 10:5

Sichitha inkani, lakho konke okuziphakamisela ukumelana lokumazi uNkulunkulu, lemicabango yonke siyithumbela ukumlalela uKristu;

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

Abase-Efesu 3:19

kothando lukaKristu, lokulwazi lanxa lusedlula ukwazi konke, ukuze ligcwaliswe ngakho konke ukugcwala kukaNkulunkulu.

AbaseFiliphi 1:1

Thina oPawuli loTimothi, inceku zikaKristu Jesu, sithi kubo bonke abangcwele kuKristu Jesu abaseFiliphi, kanye lababonisi lezikhonzi:

AbaseFiliphi 1:2

Kakube kini umusa lokuthula okuvela kuNkulunkulu uBaba laseNkosini uJesu Kristu.

AbaseFiliphi 4:19

UNkulunkulu wami uzakugcwalisa konke ukuswela kwenu ngobunengi benotho yakhe kuKristu Jesu.

AbaseFiliphi 4:21

Bingelelani bonke abangcwele abakuKristu Jesu. Abazalwane abalami lapha bayalibingelela.

AbaseFiliphi 4:9

Elakufundayo, lakwamukela, lakuzwa, lakubona kimi, kwenzeni lokho, ng’khona uNkulunkulu wokuthula ezakuba lani.

AbaseKholose 3:15

Kakubuse enhliziyweni zenu ukuthula kukaKristu, elabizelwa kukho emzimbeni munye; futhi wobani ngababongayo.

2 AbaseThesalonika 3:16

INkosi yokuthula uqobo kayilinike ukuthula ngezikhathi zonke langezindlela zonke. INkosi ibe lani lonke.

AmaHebheru 13:20

Kungathi uNkulunkulu wokuthula owamkhuphula kwabafileyo uJesu, iNkosi yethu, umalusi omkhulu wezimvu ngegazi lakhe lesivumelwano esimiyo njalo,

UJuda 1:1

Mina Juda, inceku kaJesu Kristu lomfowabo kaJakobe, ngithi kubo ababiziweyo abathandekayo kuNkulunkulu uBaba abagcinelwe uJesu Kristu:

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.