AbaseFiliphi 4:1 - iBhayibhili Elingcwele 1978

¹ Ngakhoke, bazalwane, engibathandayo lengibalangathayo, lina ntokozo lomqhele wami, manini liqine ngokunjalo eNkosini, bathandekayo bami.

IBhayibhili Elingcwele LesiNdebele

¹ Ngakho-ke bazalwane bami, lina engilithandayo lengilikhumbulayo, liyintokozo yami lomqhele wami, kumele liqine kanjalo eNkosini bangane abathandekayo!

AbaseFiliphi 4:1 Mawu Ofanana

UJobe 31:36

Ngingayithwala ehlombe lami, ngiyibophele kimi ibe ngumqhele wami;

AmaHubo 125:1

Labo abathemba iNkosi banjengentaba yeZiyone engasukiyo, kodwa emi kuze kube nininini.

AmaHubo 27:14

Themba iNkosi, uqine, inhliziyo yakho ime isibindi, yebo, themba iNkosi.

UMatewu 10:22

Lizakuzondwa yibo bonke ngenxa yebizo lami; kodwa ophikelelayo kuze kube sekupheleni nguye ozakusiliswa.

UJohane 8:31

Ngakho uJesu wathi kubaJuda abakholwe kuye: Uba lihlala elizwini lami, lingabafundi bami isibili;

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

Imisebenzi 2:42

Bakhuthalela ukufundisa kwabaphostoli, lokuhlangana lokuhlephula isinkwa, lokukhuleka.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

1 AbaseKhorinte 16:13

Lindani, lime ekukholweni kwenu, libe lesibindi, libe lamandla.

2 AbaseKhorinte 1:14

njengalokhu seliqedisisile kancinyane ukuthi lingazincoma ngathi, njengalokhu lathi singazincoma ngani osukwini lweNkosi yethu uJesu.

AbaseGalathiya 5:1

UKristu wasikhululela ukuba sibe lenkululeko. Ngakhoke manini liqine, lingabuyi libotshelwe futhi ejogweni lobugqili.

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseFiliphi 1:8

Ngoba uNkulunkulu ungufakazi wami wokuthi ngiyalilangatha kangakanani lonke ngothando lukaKristu Jesu uqobo.

AbaseFiliphi 2:16

libambelele ngokuqinileyo elizwini lokuphila ukuba ngibe lokuzincoma osukwini lukaKristu ngokuthi kangigijimelanga ize, kangisebenzelanga ize.

AbaseFiliphi 2:26

ngoba wayelilangatha lonke, ekhathazekile ngoba lizwile ukuthi ubegula.

AbaseKholose 4:12

Uyalibingelela uEpafra omunye wakini, inceku kaKristu Jesu; uyalikhulekela kakhulu ngezikhathi zonke ukuba lime liphelele liqine entandweni yonke kaNkulunkulu.

1 AbaseThesalonika 3:13

ukuze iqinise inhliziyo zenu, zingabi lakusoleka ebungcweleni phambi kukaNkulunkulu uBaba ekufikeni kweNkosi uJesu kanye labantu bakhe bonke.

2 AbaseThesalonika 2:15

Ngakhoke, bazalwane, qinani, libambelele emasikweni elawafundiswa yithi loba ngelizwi lomlomo ingabe ngencwadi.

2 uTimothi 2:1

Ngakhoke, wena mntanami, qina emuseni okuKristu Jesu.

AmaHebheru 10:23

Kasibambisise isivumo sokuthemba kwethu singanyikinyeki, ngoba uthembekile lowo owasithembisayo.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

AmaHebheru 4:14

Ngakhoke lokhu silompristi omkhulu kakhulu odlule emazulwini, uJesu iNdodana kaNkulunkulu, asibambelele kuso isivumo sethu.

2 UPhethro 3:17

Ngakhoke, bathandekayo, njengalokhu selikwazi lokho ngaphambili, xwayani ukuze lingaduhiswa yikukhohlisa kwabantu abangelamlayo, liwe ekuqineni kwenu.