AbaseFiliphi 2:12 - iBhayibhili Elingcwele 1978

¹² Ngakhoke, bathandiweyo bami, njengalokho lilalela ngezikhathi zonke, kungesikho nxa ngikhona kuphela, kodwa ikakhulu nxa ngingekho, phelelisani umsebenzi wokusiliswa kwenu ngokwesaba langokuthuthumela,

IBhayibhili Elingcwele LesiNdebele

¹² Ngakho-ke, bangane bami abathandekayo, njengoba lihlezi lilalela kungayisikho ukuthi ngikhona kuphela kodwa ikakhulu nxa ngingekho, qhubekani lisebenzela ukusindiswa kwenu ngokwesaba langokuthuthumela

AbaseFiliphi 2:12 Mawu Ofanana

U-Ezra 10:3

Ngakhoke asenze isivumelwano loNkulunkulu wethu ukuba silahle bonke lababafazi labantwana babo ngeseluleko senkosi yami langesalabo abawesabayo umlayo kaNkulunkulu wethu; kwenziwe njengokutsho komlayo.

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 2:11

Ikhonzeni iNkosi ngokwesaba, lithuthumele,

Izaga 10:16

Iholo lolungileyo lisetshenziselwa ukuphila, inzuzo yomubi isetshenziselwa ububi.

Izaga 13:4

Olivila uyalamba, kazuzi lutho, kodwa okhutheleyo uyanotha.

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

U-Isaya 66:5

Zwanini ilizwi leNkosi, lina elithuthumela ngelizwi layo elokuthi: Abafowenu abalizondayo, abalixotsha ngenxa yebizo lami, bathi: Kayibe lodumo iNkosi, ukuze sibone intokozo yenu; kodwake yibo abazakuyangeka.

UMatewu 11:12

Kusukela ensukwini zikaJohane uMbhaphathizi kuze kube khathesi umbuso wezulu uyafohlelwa, labawufohlelayo bayawuphanga.

UMatewu 11:29

Thwalani ijokwe lami phezu kwenu, lifunde kimi, ngoba ngimnene ngithobekile; kung’khona imiphefumulo yenu izakufumana ukuphumula.

Imisebenzi 16:29

Wasebiza ukuba kulethwe izibane, wagijimela phakathi ethuthumela ngokwesaba, wawela phansi phambi kukaPawuli loSilasi.

Imisebenzi 9:6

kodwa sukuma ungene emzini, uzakutshelwa lokhu omele ukukwenza.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

1 AbaseKhorinte 2:3

Impela ngangikhona kini ngisebuthakathakeni, lasekwesabeni, lasekuthuthumeleni;

1 AbaseKhorinte 4:14

Kangililobeli lokhu ukuba ngilithele inhloni, kodwa ukuba ngileluleke njengabantwana bami abathandekayo.

2 AbaseKhorinte 7:15

Ukulithanda kwakhe kukhulu, lapho ekhumbula ukulalela kwenu lonke lokuthi lamamukela ngokwesaba langokuthuthumela.

Abase-Efesu 6:5

Zigqili, lalelani abangamakhosi enu emhlabeni ngokwesaba langokuthuthumela ngobuqotho benhliziyo, kungathi lilalela uKristu,

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseFiliphi 1:29

Ngoba ngenxa kaKristu lina labelwa, kangitsho ukukholwa kuphela, kodwa lokuhlupheka ngenxa yakhe,

AbaseFiliphi 1:5

ngokuhlanganyela kwenu evangelini kusukela osukwini lokuqala kuze kube khathesi.

AbaseFiliphi 1:6

Ngilethemba lokuthi yena lowo owaqalisa umsebenzi omuhle kini uzakuwuphelelisa kuze kube sosukwini lukaJesu Kristu.

AbaseFiliphi 2:19

Ngiyathemba eNkosini uJesu ukuthuma uTimothi kini masinyane, ukuze lami ngithokoziswe yikuzwa indaba zenu.

AbaseFiliphi 4:1

Ngakhoke, bazalwane, engibathandayo lengibalangathayo, lina ntokozo lomqhele wami, manini liqine ngokunjalo eNkosini, bathandekayo bami.

AbaseFiliphi 4:15

Liyazi lani, lina baseFiliphi, ukuthi ekuqaleni kwevangeli ekusukeni kwami eMakedoniya kwakungekho bandla lelilodwa elahlanganyela lami endabeni yokupha lokwamukela, kuphela lina lodwa;

1 AbaseThesalonika 1:3

sikhumbula phambi kukaNkulunkulu wethu uBaba izenzo zenu zokukholwa, lomsebenzi wenu wothando, lokuqina kwethemba lenu eNkosini uJesu Kristu.

2 uTimothi 2:10

Ngakhoke ngikhuthazelele konke ngenxa yabakhethiweyo, ukuze labo bazuze ukusiliswa kuKristu Jesu kanye lobukhosi obungapheliyo.

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

AmaHebheru 4:1

Ngakhoke lapho sisekhona isithembiso sokungena ekuphumuleni kwakhe asesabe, funa kube khona omunye wenu ofunyanwa esahluleka ukufinyelela kukho.

AmaHebheru 4:11

Ngakhoke asikhuthalele ukungena kulokhokuphumula, ukuze kungawi loyedwa ngalesisibonelo sokungalaleli.

AmaHebheru 5:9

lapho esephelelisiwe waba ngumthombo wokusiliswa okungapheliyo kibo bonke abamlalelayo,

1 UPhethro 2:11

Bathandekayo, ngiyalincenga lokhu liyizihambi labemzini ukuba lizigcine ezinkanukweni zomzimba ezilwa lomphefumulo wenu;

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.