AbaseFiliphi 2:1 - iBhayibhili Elingcwele 1978

¹ Ngakhoke uba kukhona ukukhuthaza kuKristu, uba kukhona ukukhuthaza kothando, uba kukhona ukuhlanganyela kukaMoya, uba kukhona ububele lesihawu,

IBhayibhili Elingcwele LesiNdebele

¹ Nxa kukhona okukhuthazayo ngokuhlangana loKhristu, nxa kulenduduzo evela ethandweni lwakhe, nxa kulobudlelwano loMoya, nxa kulozwelo lesihawu,

AbaseFiliphi 2:1 Mawu Ofanana

AmaHubo 133:1

Khangela, kuhle kangaka kumnandi ukuba abazalwane bahlale ndawonye babe munye.

U-Isaya 16:11

Ngakhoke ngiyakhala njengechacho ngoMowabi, lenhliziyo yami ikhalela iKiri‐Haresethi.

ULukha 2:25

Kwakukhona eJerusalema umuntu othiwa nguSimiyoni ibizo lakhe. Wayelungile, emesaba uNkulunkulu, loMoya oNgcwele ube phezu kwakhe; wayelindele inkululeko kaIsrayeli.

UJohane 14:18

Kangiyikulitshiya liyizintandane; ngizakuza kini.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

UJohane 17:13

Sengisiza kuwe khathesi; lezizinto ngizikhuluma emhlabeni ukuba babe lokuthokoza kwami, kugcwale kibo.

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

AbaseRoma 5:5

Ithemba kalidanisi, ngoba uthando lukaNkulunkulu lutheliwe enhliziyweni zethu ngoMoya oNgcwele esimuphiweyo.

AbaseRoma 8:26

Ngokunjalo loMoya uyasisiza ebuthakathakeni bethu; ngoba kasikwazi ukukhuleka njengokufaneleyo, kodwa uMoya uqobo usikhulekela ngokububula okungelakuphumisela.

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

1 AbaseKhorinte 15:31

Bazalwane, ngiyaqinisa ngokuziqhenya kwami ngani engilakho ngoKristu Jesu iNkosi yethu ukuthi ngiyafa insuku zonke.

1 AbaseKhorinte 3:16

Kalazi yini ukuthi lina lilithempeli likaNkulunkulu, lokuthi uMoya kaNkulunkulu uhlala kini na?

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

AbaseGalathiya 4:6

Lokhu lingamadodana uNkulunkulu wathumela uMoya weNdodana yakhe enhliziyweni zenu, ememeza esithi: Aba, Baba!

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

Abase-Efesu 4:4

Munye umzimba, munye uMoya, njengalokhu labizelwa ethembeni linye lokubizwa kwenu;

AbaseFiliphi 1:8

Ngoba uNkulunkulu ungufakazi wami wokuthi ngiyalilangatha kangakanani lonke ngothando lukaKristu Jesu uqobo.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseKholose 2:2

Inhliziyo zabo kaziduduzeke; kabahlanganiswe othandweni; kababe lenotho yonke yokuqedisisa okupheleleyo, bazisise imfihlakalo kaNkulunkulu enguKristu,

AbaseKholose 3:12

Ngakhoke, njengabakhethiweyo bakaNkulunkulu abangcwele labathandekayo, yambathani ububele lesihawu, lokuzithoba, lobumnene, lokubekezela,

AmaHebheru 6:18

ukuze ngezinto ezimbili ezingaphendukiyo, uNkulunkulu angaqambi manga ngazo, sibe lenduduzo elamandla thina esibalekele ukucatsha kuye, sibambelele ethembeni elibekwe phambi kwethu.

1 UPhethro 1:2

abakhethiweyo ngokwazi ngaphambili kukaNkulunkulu uBaba, bahlukaniselwa nguMoya ukulalela uJesu Kristu lokufafazwa ngegazi lakhe; ngithi: Kakwandiswe kini umusa lokuthula.

1 UJohane 3:24

Abagcina imilayo yakhe bahlala kuye, laye uqobo uhlala kibo. Siyazi ukuthi uhlala lathi ngaye uMoya asinike yena.

1 UJohane 4:12

UNkulunkulu kazanga abonwe muntu; uba sithandana, uNkulunkulu uhlala kithi, lothando lwakhe luphelele kithi.

1 UJohane 4:16

Ngakhoke siyalwazi, sikholwe kuloluthando uNkulunkulu alalo kithi. UNkulunkulu uluthando, lohlala othandweni uhlala kuNkulunkulu, loNkulunkulu uhlala kuye.