AbaseFiliphi 1:12 - iBhayibhili Elingcwele 1978

¹² Ngithanda ukuba lazi, bazalwane, ukuthi lokho okwangehlelayo kusizile ukuqhubela phambili ivangeli.

IBhayibhili Elingcwele LesiNdebele

¹² Bazalwane, ngifuna ukuba lazi ukuthi okwenzakale kimi kusizile impela ekuqhubekeliseni ivangeli phambili.

AbaseFiliphi 1:12 Mawu Ofanana

U-Esta 9:1

Ngosuku lwetshumi lantathu lwenyanga yetshumi lambili ethiwa nguAdari safika isikhathi sokuba umlayo lomthetho wenkosi kwenziwe. Lolosuku izitha zabaJuda ezazithemba ukubanqoba ngalo kwaba yilo usuku abaJuda abanqoba ngalo labo ababebazonda.

AmaHubo 76:10

Ulaka lwabantu luzakwandisa udumo lwakho; uzalugqoka.

U-Eksodasi 18:11

Khathesi sengisazi ukuthi iNkosi yinkulu kulabo bonke onkulunkulu, yebo kulokho amaGibithe ayezigabisa ngakho.

ULukha 21:13

Lokhu kuzakuba lithuba elihle kini lokuba lifakaze.

Imisebenzi 8:4

Abahlakazekileyo bahamba, betshumayela ivangeli.

AbaseRoma 8:28

Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe.

AbaseRoma 8:37

Kodwa kulokhu konke silokunqoba okukhulu ngaye owasithandayo.

AbaseFiliphi 1:5

ngokuhlanganyela kwenu evangelini kusukela osukwini lokuqala kuze kube khathesi.

AbaseFiliphi 1:7

Impela kufanele ukuba ngikhumbule ngokunjalo ngani lonke, ngoba ngiyalithanda kakhulu, ngoba ekubotshweni kwami lasekuvikeleni kwami lasekuqiniseleni kwami ivangeli lina lonke lihlanganyela lami, emuseni kaNkulunkulu.

AbaseFiliphi 2:22

Kodwa liyakwazi ukuthembeka kukaTimothi ukuthi usebenzile kanye lami ngenxa yevangeli njengomntwana kuyise.

AbaseFiliphi 4:15

Liyazi lani, lina baseFiliphi, ukuthi ekuqaleni kwevangeli ekusukeni kwami eMakedoniya kwakungekho bandla lelilodwa elahlanganyela lami endabeni yokupha lokwamukela, kuphela lina lodwa;

AbaseFiliphi 4:3

Ngiyakuncenga lawe, mnakwethu oqotho, siza labo abesifazana, ngoba basebenza kakhulu kanye lami evangelini, kanye loKlementi lezinye izisebenzi amabizo azo asencwadini yokuphila.

1 uTimothi 2:8

Ngakho ngithanda ukuba amadoda akhuleke endaweni zonke, ephakamisa izandla ezingcwele, engalalaka lokuxabana.

2 uTimothi 2:9

ivangeli engihlupheka ngenxa yalo ngibotshwa njengesigebengu; kanti ilizwi likaNkulunkulu kalibotshwanga.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.