Abahluleli 4:9 - iBhayibhili Elingcwele 1978

⁹ Yena wathi: Impela ngizahamba lawe, kodwa ukwenza kwakho kakuyikukulethela udumo, ngoba iNkosi izanikela uSisera esandleni sowesifazana. Wasesuka uDebora, wahamba loBaraki eKedeshi.

IBhayibhili Elingcwele LesiNdebele

⁹ UDibhora wathi, “Kulungile, ngizahamba lawe. Kodwa ngenxa yendlela oqhuba ngayo lokhu udumo kaluyikuba ngolwakho, ngoba uThixo uzanikela uSisera kowesifazane.” Ngakho uDibhora wahamba loBharakhi eKhedeshi

Abahluleli 4:9 Mawu Ofanana

2 ImiLando 26:18

bamelana layo inkosi uUziya, bathi kuye: Kakusumsebenzi wakho, wena Uziya, ukutshisela iNkosi impepha, kodwa kungumsebenzi wabapristi amadodana kaAroni abahlukaniselwe ukutshisa impepha. Phuma endaweni engcwele, ngoba usuwenze okubi; lokhu kakuyikukulethela udumo oluvela eNkosini uNkulunkulu.

Abahluleli 2:14

Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.

Abahluleli 4:8

UBaraki wathi kuye: Uba uhamba lami, ngizahamba; kodwa uba ungahambi lami, kangiyikuhamba.

Abahluleli 9:53

Owesifazana othile wamwisela ngelitshe lokuchola ekhanda, wamdabula ukhakhayi.

Abahluleli 9:54

Yena wasebiza masinyane insizwa eyayiphatha izikhali zakhe, wathi kuyo: Hwatsha umhedla wakho ungibulale funa abantu bathi ngami: Wabulawa ngowesifazana. Leyonsizwa yasimgwaza, wahle wafa.

1 USamuyeli 2:30

Ngakhoke iNkosi uNkulunkulu kaIsrayeli uthi: Ngathembisa ukuthi indlu yakho lendlu kayihlo zizakhonza phambi kwami kuze kube nininini; kodwa khathesi iNkosi ithi: Kakuyikuba njalo; ngoba labo abangihloniphayo, ngizabahlonipha, labangidelelayo ngizabadelela.