Abahluleli 4:7 - iBhayibhili Elingcwele 1978

⁷ ngizamenza uSisera induna yempi kaJabini ukuba akuhlangabeze emfuleni iKishoni lezinqola zakhe zokulwa lamabutho akhe, ngimnikele esandleni sakho.

IBhayibhili Elingcwele LesiNdebele

⁷ Ngizahugela uSisera, umlawuli webutho likaJabhini, lezinqola zakhe zempi kanye lamabutho emfuleni uKhishoni ngimnikele ezandleni zakho.’ ”

Abahluleli 4:7 Mawu Ofanana

1 AmaKhosi 18:40

UElija wasesithi kibo: Babambeni abaprofethi bakaBali, kungaphunyuki loyedwa wabo. Basebebabamba. UElija wabehlisela esifuleni iKishoni, wababulalela khona.

U-Eksodasi 14:17

Ngizazenza zibe lukhuni inhliziyo zamaGibithe ukuba abalandele. Ngizazuza udumo ngoFaro langempi yakhe langezinqola zakhe langabagadi bamabhiza.

U-Eksodasi 14:4

Ngizayenza ibe lukhuni inhliziyo kaFaro, abalandele, ngizuze udumo ngoFaro langayo yonke impi yakhe, ukuba amaGibithe azi ukuthi ngiyiNkosi. Benza njalo.

U-Eksodasi 14:8

INkosi yayenza yaba lukhuni inhliziyo kaFaro inkosi yaseGibithe, wabalandela ngoba baphuma bengesabi lutho.

U-Eksodasi 21:13

Kodwa uba ebengamcathamelanga, kodwa wanikelwa esandleni sakhe nguNkulunkulu, ngizakukukhethela indawo ukuba abalekele kuyo.

UJoshuwa 10:8

INkosi yathi kuJoshuwa: Ungabesabi, ngoba ngibanikele esandleni sakho; kakukho loyedwa wabo ozakumelana lawe.

UJoshuwa 11:20

Ngoba kwakuyiNkosi eyenza inhliziyo zabo zaba lukhuni ukuze balwe loIsrayeli, bachithwe baphele, bangahawukelwa kodwa babhujiswe, njengokulaya kweNkosi kuMose.

UJoshuwa 11:6

INkosi yathi kuJoshuwa: Ungabesabi, ngoba kusasa ngalesisikhathi ngizabanikela sebefile kuIsrayeli; uzaquma imisipha yamabhiza abo, utshise ngomlilo inqola zabo zokulwa.

UJoshuwa 8:7

Beselisukake ekucathameni kwenu, liwuthumbe umuzi; ngoba iNkosi uNkulunkulu wenu izakuwunikela ezandleni zenu.

Abahluleli 4:14

UDebora wathi kuBaraki: Vuka! ngoba yilo lolusuku iNkosi enikele ngalo kuwe uSisera. Yebo, isihambile phambi kwakho. Ngakho uBaraki wasesehla entabeni iTabori elandelwa ngabantu abazinkulungwane eziIitshumi.

Abahluleli 4:8

UBaraki wathi kuye: Uba uhamba lami, ngizahamba; kodwa uba ungahambi lami, kangiyikuhamba.

Abahluleli 5:21

Amanzi eKishoni abakhukhula, amanzi amanengi omfula iKishoni. Wena mphefumulo wami, hamba ngamandla!

1 USamuyeli 24:10

Lamuhla uzibonele ukuthi iNkosi ibikunikele esandleni sami obhalwini; abanye bebesithi kangikubulale, kodwa mina ngakuhawukela. Ngathi: Kangiyikuphakamisela isandla sami kuyo inkosi yami, ngoba ingogcotshiweyo weNkosi.

1 USamuyeli 24:18

Utshengisile lamuhla ukuthi ungenzela okuhle, ngoba kawungibulalanga lapho iNkosi ibinginikele ezandleni zakho.