Abahluleli 3:7 - iBhayibhili Elingcwele 1978

⁷ AbakoIsrayeli benza okubi phambi kweNkosi, bayikhohlwa iNkosi uNkulunkulu wabo, bakhonza oBali laboAshera.

IBhayibhili Elingcwele LesiNdebele

⁷ Abako-Israyeli benza okubi emehlweni kaThixo; bamkhohlwa uThixo uNkulunkulu wabo bakhonza oBhali labo-Ashera.

Abahluleli 3:7 Mawu Ofanana

U-Eksodasi 34:13

Lizadiliza ama‐altare abo, libulale insika zabo zokukhonzela, ligamule insika zabo ezimiselwe unkulunkulukazi uAshera;

2 AmaKhosi 23:6

Wakhupha ethempelini insika emiselwe unkulunkulukazi uAshera, wayisa esifuleni iKidroni ngaphandle kweJerusalema, wayitshisa khona, wayicubuza yaba luthuli, waluphosela emalibeni abantukazana.

2 ImiLando 33:19

Umkhuleko wakhe, lokuthi uNkulunkulu wakwamukela kanjani ukuncenga kwakhe, lesono sakhe sonke, lokungathembeki kwakhe, lezindawo amisa kuzo indawo eziphakemeyo zokukhonzela, lensika zikankulunkulukazi uAshera, lezithombe, engakazithobi, konke kulotshiwe ogwalweni lwezindaba zababoni.

2 ImiLando 33:3

Wabuya wakha indawo eziphakemeyo zokukhonzela uyise uHezekiya ayezivalile, wakhela oBali ama‐altare, wamisa insika zikankulunkulukazi uAshera, wadumisa zonke inkanyezi zaphezulu, wazikhonza.

2 ImiLando 24:18

Bayidela indlu yeNkosi, uNkulunkulu wabokhokho babo, bakhonza insika zikankulunkulukazi uAshera lezithombe. Ulaka lukaNkulunkulu lwehlela phezu kwabakoJuda labaseJerusalema ngenxa yalesisono sabo.

2 ImiLando 15:16

Inkosi uAsa yakhupha loninakhulu uMahaka esikhundleni sokuba yindlovukazi, ngoba wayemenzele unkulunkulukazi uAshera isithombe esinengisayo. UAsa wasigamula isithombe, wasigxoba, wasitshisela esifuleni iKidroni.

2 AmaKhosi 23:14

Wadiliza insika zokukhonzela, wagamula insika zikankulunkulukazi uAshera, wafaka amathambo abantu amanengi endaweni zazo.

1 AmaKhosi 18:19

Ngakhoke thumela ilizwi, ubuthanise wonke uIsrayeli entabeni iKarmeli, labaprofethi bakaBali abangamakhulu amane lamatshumi amahlanu labaprofethi bakankulunkulukazi uAshera abangamakhulu amane abadlayo etafuleni kaJezebeli.

1 AmaKhosi 16:33

UAhabi wamisela lonkulunkulukazi uAshera insika. Wenza okunengi okwayithukuthelisayo iNkosi, uNkulunkulu kaIsrayeli ukwedlula wonke amakhosi kaIsrayeli ayengaphambi kwakhe.

Abahluleli 6:25

Ngalobobusuku iNkosi yathi kuye: Thatha inkunzi kayihlo esijoqile, udilize ialtare likaBali elingelikayihlo, ugamulele phansi insika kankulunkulukazi uAshera ephansi kwalo;

Abahluleli 3:12

AbakoIsrayeli babuya benza okubi phambi kweNkosi. INkosi yasimnika amandla uEgiloni inkosi yaseMowabi ukulwa loIsrayeli, ngoba babenzile okubi phambi kwayo.

UDutheronomi 16:21

Lingagxumeki isigodo sibe yinsika kankulunkulukazi uAshera ngaseceleni kwealtare leNkosi uNkulunkulu wenu elizakulenza;

UDutheronomi 4:9

Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

2 ImiLando 34:7

wadiliza ama‐altare, lensika zikankulunkulukazi uAshera wazibulala lezithombe zaze zaba yimpuphu, wadilizela phansi ama‐altare empepha kulo lonke ilizwe lakoIsrayeli. Wasebuyela eJerusalema.

2 ImiLando 34:3

Ngomnyaka wesificaminwembili wokubusa kwakhe esesengumfana waqala ukumdinga uNkulunkulu kaDavida ukhokho wakhe; ngomnyaka wetshumi lambili waqala ukuhlambulula uJuda leJerusalema, wavala indawo eziphakemeyo zokukhonzela, wadiliza insika zikankulunkulukazi uAshera, wasusa izithombe ezibaziweyo lezibunjiweyo.

Abahluleli 3:8

Ngakho ulaka lweNkosi lwavutha kuIsrayeli, yabanikela esandleni sikaKushani‐Rishathayimi inkosi yaseAramu eliphakathi kwemifula emibili; abakoIsrayeli bayisebenzela inkosi uKushani‐Rishathayimi iminyaka eficaminwembili.

Abahluleli 8:34

Kabayikhumbulanga iNkosi uNkulunkulu wabo eyabophula ezandleni zezitha zabo zonke inxa zonke.

1 USamuyeli 12:9

Kodwa bayikhohlwa iNkosi uNkulunkulu wabo; yabanikela kuSisera induna yempi kaJabini, inkosi yaseHazori, lakumaFilistiya, lakuyo inkosi yaseMowabi; labo balwa labo.

1 USamuyeli 12:10

Bakhala eNkosini bathi: Sonile ngoba siyilahlile iNkosi, sakhonza izithombe zikaBali lezikaAshitorethi. Kodwa khathesi sophule ezitheni zethu, sizakukukhonza.

AmaHubo 106:7

Okhokho, lapho babeseGibithe, kabayinanzelelanga imisebenzi yakho emangalisayo; izenzo ezinengi zothando lwakho olungapheliyo; kodwa bamvukela oPhezukonke ngasoLwandle oluBomvu.

UJeremiya 23:27

abacabanga ukwenza abantu bami ukuba bakhohlwe ibizo lami ngamaphupho abo abawaxoxayo, njengaboyise abalikhohlwayo ilizwi lami ngenxa kaBali?

UDutheronomi 8:11

Qaphelani ukuba lingakhohlwa iNkosi uNkulunkulu wenu ngokungagcini imithetho yayo lezimiso zayo lezahlulelo zayo, engililaya zona lamuhla.

UDutheronomi 8:14

qaphelani ukuba inhliziyo zenu zingazikhukhumezi, beselikhohlwa iNkosi uNkulunkulu wenu eyalikhupha elizweni laseGibithe, endaweni yobugqili,

UDutheronomi 8:18

Khumbulani iNkosi uNkulunkulu wenu, ngoba yiyo elinika amandla okuzuza imfuyo, ukuba iqinise isivumelwano sayo eyasifunga kubokhokho benu njengokwenza kwayo lamhla.

Abahluleli 8:33

Kwathi lapho uGidiyoni esefile, abakoIsrayeli babuya benza okubi ngokukhonza oBali, benza uBali‐Berithi waba ngunkulunkulu wabo.

AmaHubo 106:35

kodwa bahlangana lezizwe, bafunda imisebenzi yazo.

AmaHubo 106:36

Bakhonza izithombe zazo ezaba ngumjibila kubo.