Abahluleli 19:9 - iBhayibhili Elingcwele 1978

⁹ Kwathi lapho lowomuntu lomunye umfazi wakhe lenceku yakhe sebesuka ukuba bahambe, uyisezala wathi kuye: Khangela, ilanga selitshona, sekuzakuhlwa; akuhlale lapha ubusuku bonke. Ilanga selitshonile, lala khonapha uthokoze, kusasa uzavuka ekuseni kakhulu, uhamba uye ekhaya.

IBhayibhili Elingcwele LesiNdebele

⁹ Kwathi lapho umuntu lowo, lomkakhe weceleni kanye lenceku yakhe belungiselela ukusuka, uyisezala, uyise wentombi wathi, “Khangela, sekuzakuhlwa. Lala lapha; ilanga selizatshona. Hlala uzithokozise. Kusasa ekuseni kakhulu uzavuka uthathe indlela yakho yokuya ekhaya.”

Abahluleli 19:9 Mawu Ofanana

2 USamuyeli 13:28

UAbisalomu waselaya inceku zakhe esithi: Khangelani, nxa uAmnoni esethokoza ngewayini, lapho ngisithi kini: Bulalani uAmnoni, limbulale. Lingesabi, ngoba ngizabe ngililayile. Lime isibindi, libe ngamaqhawe.

Izaga 27:1

Ungazincomi ngelakusasa, ngoba kawazi ukuba usuku luzavezani.

ULukha 24:29

Kodwa bamncenga kakhulu, besithi: Hlala lathi, ngoba sekuzakuhlwa, lemini isiyedlule. Wangenake, wahlala labo.

Abahluleli 19:10

Kodwa kavumanga lowomuntu ukuhlala lobobusuku. Wasuka wahamba, wayafika maqondana leJebusi okutsho iJerusalema. Wayelabobabhemi ababili abathweleyo, lomunye umfazi wakhe.

Abahluleli 19:6

Ngakho lawomadoda amabili ahlala adla anatha wonke. Uyise wentombi wasesithi kulowomuntu: Ake ulale khonapha lamhla uzithokozise.

Abahluleli 19:8

Ngosuku lwesihlanu wavuka ekuseni kakhulu ukuba ahambe. Uyise wentombi wathi kuye: Akudle kuqala, uhlale ilanga lize likhothame. Basebesidla bobabili.

URuthe 3:7

Kwathi lapho uBowasi esedlile wanatha, waba lomdlozela, wasuka wayalala phansi ekucineni kwenqumbi yamabele. URuthe wasenyenya, wambula inyawo zakhe, walala phansi.