Abahluleli 14:12 - iBhayibhili Elingcwele 1978

¹² USamsoni wathi kibo: Ake ngililibhe, uba lingangitshela ukuthi kuyini ensukwini eziyisikhombisa zedili, likufumane, ngizalinika izambatho zelembu elihle ezingamatshumi amathathu lengubo ezintsha ezingamatshumi amathathu.

IBhayibhili Elingcwele LesiNdebele

¹² USamsoni wasesithi kubo, “Lalelani ngilitshele ilibho. Lingangitshela ukuthi litshoni phakathi kwensuku eziyisikhombisa zedili, ngizalinika izembatho zelineni ezingamatshumi amathathu lezigqoko ezingamatshumi amathathu.

Abahluleli 14:12 Mawu Ofanana

UGenesisi 45:22

Wabanika bonke, kwaba yilowo lalowo ingubo ezintsha; kodwa uBenjamini wamnika inhlamvu zesiliva ezingamakhulu amathathu, lengubo ezinhlanu ezintsha.

1 AmaKhosi 10:1

Inkosikazi yaseSheba isizwile ngodumo lukaSolomoni yeza ukumhlola ngemibuzo enzima.

2 AmaKhosi 5:22

Yena wathi: Yebo, kulungile. Inkosi yami ingithumile kuwe ukuba ngikubikele ukuthi sekufikile kiyo amajaha amabili abaprofethi evela ezintabeni zakoEfrayimi; icela ukuba uwanike ithalenta lesiliva elilodwa lezigqoko ezimbili ezintsha.

2 AmaKhosi 5:5

Inkosi yaseSiriya yasisithi: Kulungile, ungahamba, ngizathumela incwadi enkosini yakoIsrayeli. Wasehambake ephethe amathalenta esiliva alitshumi lamashekeli egolide azinkulungwane eziyisithupha lezigqoko ezintsha ezilitshumi.

2 ImiLando 7:8

Ngalesosikhathi uSolomoni labo bonke abakoIsrayeli ababelixuku elikhulu, ababevela ekuyeni ngaseHamathi kusiya esifuleni seGibithe benza umkhosi insuku eziyisikhombisa.

AmaHubo 49:4

Ngizakubeka indlebe yami kuso isaga, ngizakuveza imfumba yami ngechacho.

Izaga 1:6

ukuba aqedisise izaga lezimfihlakalo, lamazwi abahlakaniphileyo lamalibho abo.

Izaga 31:24

Lumfazi wenza izambatho ngelembu elihle, azithengise, enzele abathengi amabhanti.

UHezekhiyeli 17:2

Ndoda, tshono umzekeliso, ukhulume ngomfanekiso kuIsrayeli,

UHezekhiyeli 20:49

Ngasengisithi: Hawu, Nkosi Nkulunkulu! sebesithi ngami: Yena kasumqambi wemifanekiso na?

UMatewu 13:13

Ngakho ngikhuluma kibo ngemifanekiso, ngoba loba bebona kababonisisi, loba besizwa kabezwisisi, kabaqedisisi.

UMatewu 13:34

Lezizinto zonke uJesu wazikhuluma emaxukwini ngemifanekiso; ngaphandle kwemifanekiso kakhulumanga lutho kibo,

UMatewu 27:28

Bamhlubula, bamambathisa ingubo ebomvu,

UMatewu 6:19

Lingazibekeli inotho emhlabeni lapho kona khona inondo lokuthomba, lalapho amasela efohlela khona ebe.

ULukha 14:7

Wasebatshela umfanekiso labo abamenyiweyo, ebona ukuzikhethela kwabo izihlalo ezingaphambili, wathi kibo:

UJohane 16:29

Abafundi bakhe bathi: Khathesi, usukhuluma ngokusobala, kawusakhulumi ngemifanekiso.

1 AbaseKhorinte 13:12

Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.

UJakhobe 5:2

Inotho yenu ibolile, lezambatho zenu zidliwe zinondo.

Abahluleli 14:11

Kwathi lapho abantu bembona bamlethela abanakwabo abangamatshumi amathathu ukuba bahlale laye.

Abahluleli 14:13

Kodwa uba lisehluleka ukungitshela ukuthi kuyini, lizanginika lina izambatho zelembu elihle ezingamatshumi amathathu lengubo ezintsha ezingamatshumi amathathu. Bathi kuye: Tshono ilibho lakho ukuba silizwe.