2 USamuyeli 4:2 - iBhayibhili Elingcwele 1978

² Indodana kaSawuli yayilamadoda amabili ayeyizinduna zamaqela okuhlasela, ibizo lenye lalinguBahana, lebizo lenye linguRekabi, amadodana kaRimoni indoda yakoBenjamini yaseBerothi; ngoba iBerothi lalo lalibalelwa koBenjamini;

IBhayibhili Elingcwele LesiNdebele

² Indodana kaSawuli yayilabantu ababili ababezinduna zamaqembu okuhlasela. Omunye wayethiwa nguBhana omunye enguRekhabi; babengamadodana kaRimoni umBherothi owesizwana sakoBhenjamini, iBherothi ithathwa njengengxenye yakoBhenjamini,

2 USamuyeli 4:2 Mawu Ofanana

2 USamuyeli 23:37

loZeleki waseAmoni, loNaharayi waseBerothi, umphathi wezikhali zikaJowabi indodana kaZeruya,

2 USamuyeli 3:22

Inceku zikaDavida zabuya loJowabi zivela ekuhlaseleni zilempango enengi. Kodwa uAbineri wayengasekho kuDavida eHebroni, ngoba wamvumela ukuba ahambe, wazihambela kuhle.

2 USamuyeli 4:5

Amadodana kaRimoni waseBerothi, uRekabi loBahana, asuka aya endlini kaIshiboshethi, afika selitshisa ilanga, yena wayelele ephumula emini.

2 USamuyeli 4:9

Kodwa uDavida wabaphendula uRekabi loBahana umfowabo, amadodana kaRimoni waseBerothi, wathi: Ngifunga iNkosi engihlenge ezinhluphekweni zonke,

2 AmaKhosi 5:2

AmaSiriya ekuhlaseleni kwawo athumba elizweni lakoIsrayeli intombazana eyaba yinceku yomkaNamani.

2 AmaKhosi 6:23

Yasibenzela idili elikhulu, badla banatha; yabayekela bahamba, baya enkosini yabo. AmaSiriya asekhawula ukuhlasela ilizwe lakoIsrayeli.

UJoshuwa 18:25

Kukhona leGibeyoni leRama leBeyerothi

UJoshuwa 18:26

leMizipe leKefira leMoza

UJoshuwa 9:17

AbakoIsrayeli basebebalandela bafika emizini yabo ngosuku lwesithathu. Imizi yabo yayiyile, iGibeyoni leKefira leBerothi leKiriyathi‐Jeyarimi.