2 ImiLando 7:6 - iBhayibhili Elingcwele 1978

⁶ Abapristi bema endaweni zabo; lamaLevi lawo ephethe izinto zokuhlabelela inkosi uDavida ayezenzele ukudumisa ngazo iNkosi uNkulunkulu lapho edumisa ngenkonzo yabo — ngoba uthando lwayo olungapheliyo lumi kuze kube nininini; maqondana lalabo abapristi bakhalisa impondo zabo, labakoIsrayeli bonke babemi.

IBhayibhili Elingcwele LesiNdebele

⁶ Abaphristi bema ngezindawo zabo, njengoba labaLevi labo bema ngamachacho lawo inkosi uDavida eyayivele iwenzele ukudumisa uThixo njalo ayevele esetshenziswa nxa ebonga, esithi, “Uthando lwakhe lumi kuze kube nininini.” Maqondana labaLevi, abaphristi babevuthela amacilongo abo, njalo bonke abako-Israyeli babemi.

2 ImiLando 7:6 Mawu Ofanana

1 ImiLando 13:8

UDavida labo bonke abakoIsrayeli babesina phambi kukaNkulunkulu ngamandla wonke, behlabela, betshaya imihubhe, lamachacho, lezingungu, lezigubhu, lezimpondo.

1 ImiLando 15:24

OShebaniya loJoshafati loNethaneli loAmasayi loZekariya loBenaya loEliyezeri abapristi babezakhalisa izimpondo phambi komtshokotsho kaNkulunkulu. UObedi‐Edoma loJehiya labo babengabagcini bamasango omtshokotsho wesivumelwano.

1 ImiLando 16:34

Bongani iNkosi ngoba ilungile, uthando lwayo olungapheliyo lumi kokuphela.

2 ImiLando 23:18

UJehoyada wabeka abalindi ethempelini bephathwe ngabapristi abangamaLevi langamaLevi uDavida ayebabeke ukukhangela ithempeli lokunikela iminikelo yokutshiswa eNkosini, njengokulotshiweyo emlayweni kaMose, ngokujabula langokuhlabela njengokumisa kukaDavida.

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

2 ImiLando 29:27

UHezekiya waselaya ukuba umnikelo wokutshiswa unikelwe phezu kwealtare; kwathi lapho umnikelo wokutshiswa uqaliswa ukunikelwa, kwaqalisa lokuyihlabelela iNkosi uNkulunkulu, kwakhaliswa impondo, kwatshaywa lezinto zokuhlabelela zikaDavida inkosi yakoIsrayeli.

2 ImiLando 5:12

abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

2 ImiLando 5:13

Kwakungumsebenzi wabakhalisi bezimpondo labahlabeleli ukuba bahlabele kanyekanye ekudumiseni lekubongeni iNkosi sekuhlatshelwa ingoma, kukhaliswa impondo lezigubhu lezinye izinto zokuhlabela, kudunyiswa iNkosi kuthiwa: Ngoba ilungile, uthando lwayo olungapheliyo lumi kuze kube nininini; indlu yagcwala intuthu yeyezi,

2 ImiLando 7:3

Kwathi lapho bonke abakoIsrayeli bebona umlilo usehla lenkazimulo yeNkosi iphezu kwethempeli, bathi mbo ngobuso phansi endaweni egandelweyo, badumisa bebonga iNkosi besithi: Ngoba ilungile, uthando lwayo olungapheliyo lumi kuze kube nininini.

2 ImiLando 7:5

Inkosi uSolomoni yanikela imihlatshelo, izinkabi ezizinkulungwane ezingamatshumi amabili, lezimvu ezizinkulungwane ezilikhulu lamatshumi amabili. Inkosi labo bonke abantu bamahlukanisela uNkulunkulu indlu.

U-Ezra 6:18

Bamisa abapristi ngezigaba zabo, lamaLevi ngamaqembu awo, ukuphatha inkonzo kaNkulunkulu eJerusalema, njengokulotshiweyo ogwalweni lukaMose.

AmaHubo 106:1

Dumisani iNkosi! Ibongeni iNkosi ngoba ilungile, ngoba uthando lwayo olungapheliyo kumi kuze kube nininini.

AmaHubo 107:1

Ibongeni iNkosi, ngoba ilungile, ngoba uthando lwayo kalulakuphela.

AmaHubo 138:8

INkosi izakuphelelisa icebo layo ngami; uthando lwakho olungapheliyo, Nkosi, lumi kuze kube nininini. Ungawutshiyi umsebenzi wezandla zakho.

AmaHubo 87:7

Abahlabelayo labasinayo bathi: Wena Ziyone, ungumthombo wezibusiso zethu zonke.

U-Isaya 52:6

Ngakhoke abantu bami bazakulazi ibizo lami, ngalolosuku bazakwazi ukuthi yimi engikhulumayo; ngikhona lapha.

uAmosi 6:5

betshotsha izingoma ngechacho beziqambela izinto zokukhaliswa njengoDavida,

UJoshuwa 6:4

Abapristi abayisikhombisa bazaphatha impondo zenqama eziyisikhombisa, bahambe phambi komtshokotsho wesivumelwano; kuthi ngosuku lwesikhombisa liwubhode umuzi kasikhombisa, abapristi bekhalisa impondo.