2 ImiLando 7:3 - iBhayibhili Elingcwele 1978

³ Kwathi lapho bonke abakoIsrayeli bebona umlilo usehla lenkazimulo yeNkosi iphezu kwethempeli, bathi mbo ngobuso phansi endaweni egandelweyo, badumisa bebonga iNkosi besithi: Ngoba ilungile, uthando lwayo olungapheliyo lumi kuze kube nininini.

IBhayibhili Elingcwele LesiNdebele

³ Kwathi lapho bonke abako-Israyeli bebona umlilo usehla lenkazimulo kaThixo ethempelini, bathi mbo ngobuso phansi embundwini weguma, badumisa bebonga uThixo besithi: “Yena ulungile; uthando lwakhe lumi kuze kube nininini.”

2 ImiLando 7:3 Mawu Ofanana

1 AmaKhosi 18:39

Kwathi abantu bonke bekubona lokhu bathi mbo ngobuso phansi, bathi: INkosi yiyo enguNkulunkulu; iNkosi yiyo enguNkulunkulu.

1 ImiLando 16:34

Bongani iNkosi ngoba ilungile, uthando lwayo olungapheliyo lumi kokuphela.

1 ImiLando 16:41

Babekanye laboHemani loJeduthuni labanye ababekhethiwe bamiswa ukubonga iNkosi ngothando lwayo olungapheliyo, olumi kuze kube nininini.

1 ImiLando 29:20

UDavida wasesithi kulo lonke ibandla: Ibongeni iNkosi uNkulunkulu wenu. Lonke ibandla layibonga iNkosi, uNkulunkulu wabokhokho babo; bathi mbo ngobuso phansi, bekhonza iNkosi uNkulunkulu, behlonipha lenkosi uDavida.

2 ImiLando 20:18

UJehoshafati wathi mbo ngobuso phansi, labo bonke abakoJuda labaseJerusalema baziwisela phansi phambi kweNkosi uNkulunkulu, bayikhonza.

2 ImiLando 20:21

Kwathi esekhulumisene labantu wakhetha labo abazahlabelela iNkosi, bayidumise begqoke izambatho ezingcwele, behamba phambi kwebutho behlabela besithi: Ibongeni iNkosi, uthando lwayo olungapheliyo lumi kuze kube nininini.

2 ImiLando 29:28

Lonke ibandla lathi mbo ngobuso phansi, labahlabeleli bahlabela, labakhalisi bempondo bazikhalisa; konke lokhu kwaqhubeka kwaze kwaphela ukutshiswa komnikelo;

2 ImiLando 29:29

kuthe sekuphelile ukutshiswa komnikelo, inkosi labo bonke ababekhona bakhothama bathi mbo ngobuso phansi.

2 ImiLando 29:30

UHezekiya inkosi lezikhulu balaya amaLevi ukuba ayidumise iNkosi ngokuhlabela amazwi kaDavida lakaAsafi umboni. Ayidumisa ngokuhlabela, athokoza, athi mbo ngobuso phansi.

2 ImiLando 5:13

Kwakungumsebenzi wabakhalisi bezimpondo labahlabeleli ukuba bahlabele kanyekanye ekudumiseni lekubongeni iNkosi sekuhlatshelwa ingoma, kukhaliswa impondo lezigubhu lezinye izinto zokuhlabela, kudunyiswa iNkosi kuthiwa: Ngoba ilungile, uthando lwayo olungapheliyo lumi kuze kube nininini; indlu yagcwala intuthu yeyezi,

U-Ezra 3:11

Baphendulana ngokuhlabela bedumisa bebonga iNkosi besithi: Ngoba iNkosi ilungile, lothando lwayo olungapheliyo lumi kuze kube nininini kuIsrayeli. Bonke abantu bamemeza kakhulu ekuyidumiseni kwabo iNkosi, ngoba isisekelo sethempeli sasesibekiwe.

AmaHubo 100:5

Ngoba iNkosi ilungile; lothando lwayo olungapheliyo lumi kuze kube nininini, lobuqotho bayo ezizukulwaneni zonke.

AmaHubo 103:17

Kodwa uthando olungapheliyo lweNkosi lumi kuze kube nininini kubo abayesabayo, lokulunga kwayo kumi kuze kube sebantwaneni babantwana,

AmaHubo 106:1

Dumisani iNkosi! Ibongeni iNkosi ngoba ilungile, ngoba uthando lwayo olungapheliyo kumi kuze kube nininini.

AmaHubo 107:1

Ibongeni iNkosi, ngoba ilungile, ngoba uthando lwayo kalulakuphela.

AmaHubo 118:1

Bongani iNkosi, ngoba ilungile; uthando lwayo olungapheliyo lumi kuze kube nininini.

AmaHubo 95:6

Wozani, sikhonze sikhothame, siguqe phambi kweNkosi, uMenzi wethu.

U-Eksodasi 4:31

Abantu bakholwake; lapho sebezwile ukuthi iNkosi ibahambele abakoIsrayeli, lokuthi ibonile ukuhlupheka kwabo, bakhothamisa amakhanda, badumisa.

U-Isaya 63:7

Ngizalandisa ngothando olungapheliyo lweNkosi, ngiyidumise, ngakho konke iNkosi esenzele khona, lobuhle obukhulu ebenzele indlu kaIsrayeli, esenzele bona ngomusa wayo, langobukhulu bothando lwayo olungapheliyo.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

ULevi 9:24

Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.

AmaNani 14:5

UMose loAroni bathi mbo ngobuso phansi phambi kwalo lonke ibandla labakoIsrayeli.

AmaNani 16:22

Bathi mbo ngobuso phansi bathi: Nkulunkulu, Nkulunkulu wemimoya yakho konke okuphilayo, uzathukuthelela ibandla lonke ngenxa yokona komuntu munye na?

ULukha 1:50

Isihawu sakhe sikuzo zonke izizukulwana zalabo abamesabayo.