2 ImiLando 5:2 - iBhayibhili Elingcwele 1978

² USolomoni wasebuthanisa eJerusalema abadala bakoIsrayeli lazo zonke izinduna zezizwe eziyizikhulu zezindlu zabakoIsrayeli, ukuba bakhuphe umtshokotsho wesivumelwano seNkosi emzini kaDavida othiwa yiZiyone.

IBhayibhili Elingcwele LesiNdebele

² USolomoni wasebiza abadala bako-Israyeli ebanxusela eJerusalema, lezinhloko zezizwana kanye lezinduna zezimuli zako-Israyeli ukuthi bathathe ibhokisi lesivumelwano sikaThixo eZiyoni, balise eMzini kaDavida.

2 ImiLando 5:2 Mawu Ofanana

2 USamuyeli 5:7

Kodwa uDavida wayithatha inqaba yaseZiyone esithiwa ngumuzi kaDavida.

2 USamuyeli 6:12

Inkosi uDavida yabikelwa kwathiwa: INkosi uNkulunkulu iyibusisile indlu kaObedi‐Edoma lakho konke okwakhe ngenxa yomtshokotsho kaNkulunkulu. Ngakho uDavida wasesiyawuthatha umtshokotsho kaNkulunkulu endlini kaObedi‐Edoma, wawuletha emzini kaDavida ethokoza.

1 ImiLando 15:1

UDavida wazakhela izindlu emzini kaDavida, walungisa indawo yomtshokotsho kaNkulunkulu, wawumisela ithente.

1 ImiLando 15:12

wathi kubo: Liyizinhloko zezindlu zamaLevi; zihlambululeni lina lezihlobo zenu ukuze lilethe umtshokotsho weNkosi, uNkulunkulu kaIsrayeli, endaweni engiyilungisele wona.

1 ImiLando 15:25

UDavida labadala bakoIsrayeli lezinduna zezinkulungwane bawulanda umtshokotsho wesivumelwano seNkosi endlini kaObedi‐Edoma ngokuthokoza.

1 ImiLando 15:3

UDavida wasebuthanisa uIsrayeli wonke eJerusalema ukuba balethe umtshokotsho weNkosi endaweni yawo ayeyilungisele wona.

1 ImiLando 16:1

Bawuletha umtshokotsho kaNkulunkulu, bawubeka phakathi kwethente uDavida ayelilungisele wona; banikela iminikelo yokutshiswa leminikelo yokuthula phambi kukaNkulunkulu.

1 ImiLando 24:31

Laba labo kanye lezihlobo zabo, amadodana kaAroni, baphosa inkatho phambi kwenkosi uDavida loZadoki loAhimeleki lenhloko zezindlu zabapristi lezamaLevi, indlu enkulu lencinyane kanyekanye.

1 ImiLando 24:6

UShemaya indodana kaNethaneli, umLevi owayengumbhali, wabaloba ogwalweni phambi kwenkosi uDavida laphambi kwezikhulu laphambi kukaZadoki umpristi laphambi kukaAhimeleki indodana kaAbiyatha, laphambi kwezinhloko zezindlu zabapristi lezamaLevi; kwenziwa inkatho ngendlu nganye nganye yamadodana kaEleyazare langendlu nganye nganye yamadodana kaIthamari ngokunikezelana.

1 ImiLando 26:26

UShelomothi lezihlobo zakhe babephethe inotho yonke yezinto ezingcwele uDavida inkosi, lezinhloko zezindlu, lezinduna zezinkulungwane lezinduna zamakhulu, labaphathi bempi, ababezahlukanisele uNkulunkulu.

1 ImiLando 28:1

UDavida wabuthanisa eJerusalema zonke izinduna zakoIsrayeli lezinduna zezizwe lezinduna zezigaba ezazisebenzela inkosi, labaphathi bezinkulungwane labamakhulu, labaphathi bempahla yonke labezifuyo zenkosi labezamadodana ayo labathenwa basesigodlweni, lamaqhawe, lawo wonke amadoda empi alamandla.

2 ImiLando 1:4

— Kodwa uDavida wathatha umtshokotsho kaNkulunkulu eKiriyathiJeyarimi, wawuletha endaweni ayeyilungisele wona, ngoba wayewumisele ithente eJerusalema —

2 ImiLando 5:1

Kwathi usuphelile wonke umsebenzi uSolomoni ayewenza ethempelini, wangenisa izinto uyise uDavida ayezahlukanisele iNkosi, isiliva legolide lazo zonke izitsha, wazibeka enothweni yethempeli likaNkulunkulu.

2 ImiLando 5:12

abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

AmaHubo 2:6

Ngibekile inkosi yami eZiyone, entabeni yami engcwele.

AmaHubo 87:2

INkosi iyawathanda amasango eZiyone kulayo yonke imizi kaJakobe.

ULevi 9:5

Basebeletha lokho uMose akulayayo emnyango wethente lokuhlangana; lonke ibandla lasondela, lema phambi kweNkosi.

AmaNani 10:33

Basukake entabeni yeNkosi, bahamba uhambo lwensuku ezintathu; umtshokotsho wesivumelwano seNkosi wawungaphambi kwabo okohambo losuku olulodwa ukuze ubadingele indawo yokuphumula.

AmaNani 10:36

Ekumisweni kwawo wayesithi: Buyela, Nkosi, ezigidini ezinengi zakoIsrayeli.